PREGUNTA 7
Ki profesia di Beibel ta kumpliendo den nos tempu?
“Nashon lo lanta kontra nashon i reino kontra reino . . . Tur e kosnan akí ta kuminsamentu di kalamidat, manera doló di parto.”
“Lo lanta hopi profeta falsu, i nan lo gaña hopi hende; i pa motibu di oumento di maldat, amor di mayoria di hende lo fria.”
“Ora boso tende di guera den vários lugá, no spanta; e kosnan akí tin ku sosodé, ma ainda esei no ta e fin.”
“Lo tin temblor grandi, i den un lugá tras di otro lo tin pèst i skarsedat di kuminda. Hende lo mira esenanan spantoso i, for di shelu, nan lo mira señalnan grandi.”
“Den e último dianan lo bini tempunan krítiko, difísil pa trata kuné. Pasobra hende lo stima nan mes, stima plaka; nan lo ta bromadó, arogante, blasfemadó, desobediente na mayornan, malagradesí, desleal, sin kariño; nan lo no ta dispuesto pa sera ningun akuerdo; nan lo ta kalumniadó, sin dominio propio, feros, sin amor pa loke ta bon, traidor, kabesura, hinchá di orguyo, ku ta stima plaser en bes di stima Dios, ku tin aparensia di ta deboto na Dios, ma ku no ta demostrá e deboshon ei den nan bida.”