“Kana pa Medio di Fe, No pa Medio di Bista”

Djis promé ku Herúsalèm a ser sitiá i ku tempu destruí, apòstel Pablo a skirbi ku kristiannan, komo bon sòldá di Kristu, mester ferwagt difikultat i no mester duna prioridat na plaser i nan mes komodidat. (2 Tim. 2:3, 4) Awor ku e mundu malbado akí ta a punto di eksperensiá kalamidat, nos fe mester ta fuerte pa nos keda enfoká riba kosnan spiritual. (2 Kor. 4:18; 5:7) Wak e vidio “Kana pa Medio di Fe, No pa Medio di Bista,” na spañó. (Bai na jw.org/es, i buska bou di PUBLICACIONES > DOCUMENTALES Y PELÍCULAS.) Tuma nota kon e amor ku Nadab ku Débora tabatin pa kosnan material a bira un trampa mortal pa nan. Despues, kontestá e siguiente preguntanan:

(1) Kiko tabata e “‘kos repugnante’ . . . pará den un lugá santu” den e promé siglo, i ki paso desisivo e kristiannan na Herúsalèm mester a dal? (Mat. 24:15, 16) (2) Dikon nan tabatin mester di fe pa hui for di e stat? (3) Ki sakrifisio nan mester a hasi pa hui? (4) Dikon Nadab ku Débora a tarda pa hui? (Mat. 24:17, 18) (5) Ki otro prueba Raquel a hañ’é kuné ora e tabata sali for di Herúsalèm? (Mat. 10:34-37; Mar. 10:29, 30) (6) Kon Yafèt a pone un bon ehèmpel den demostrá fe i konfiansa den Yehova? (7) Ki difikultat e kristiannan a enfrentá na Pela? (8) Kon e fe di Nadab ku Débora a mengua pokopoko? (9) Kon Yehova a kuida e kristiannan ku tabata biba na Pela? (Mat. 6:33; 1 Tim. 6:6-8) (10)  Kon nos por imitá Abraham ku Sara, segun ku e fin di e mundu akí ta yega serka? (Heb. 11:8-10) (11) Dikon Nadab ku Débora a bolbe Herúsalèm, i dikon nan manera di pensa tabata robes? (Luk. 21:21) (12) Kon bida tabata na Herúsalèm ora Nadab ku Débora a regresá? (13) Dikon nos mester fortalesé nos fe awor promé ku e fin yega?—Luk. 17:31, 32; 21:34-36.

Kana pa medio di fe ta nifiká (1) konfia den Yehova su guia, (2) laga esaki guia nos pasonan i (3) demostrá ku nos ta balorá kosnan spiritual mas ku kosnan material. Awor mas ku nunka, laga nos ta determiná pa kana pa medio di fe ku e konfiansa ku “mundu ta pasa bai i tambe su deseonan, ma esun ku ta hasi e boluntat di Dios ta keda pa semper.”—1 Huan 2:17.