Kantika 10
“At’ami Aki! Manda Ami”
1. Reproche Dios ta soportá;
su nòmber nan ta difamá,
yamando e debil i kruel.
‘No tin Dios mes!’ segun e infiel.
Ta ken lo sali defendé
su nòmber grandi i elogi’é?
‘Manda mi, Dios, at’ami aki!
Bo gloria lo mi deskribí.
(REFREIN)
Onor mas grandi no por tin, Dios!
Sí, manda mi, at’ami aki!’
2. Esnan ku no ta respet’é
ta akus’é, ta ofend’é.
Algun ta sirbi ídolo
i otro stima Sésar so.
Ta ken lo spièrta e malechor
dje dia grandi di Señor?‘
Manda mi, Dios, a t’ami aki!
Malbado lo mi atvertí.
(REFREIN)
Onor mas grandi no por tin, Dios!
Sí, manda mi, at’ami aki!’
3. E mansunan ta suspirá;
maldat ta sigui oumentá.
Di kurason nan ke e bèrdat
pa nan por tin trankilidat.
Ta ken lo kita inkietut
i guia nan na rektitut?
‘Manda mi, Dios, at’ami aki!
Humildenan lo mi instruí.
(REFREIN)
Onor mas grandi no por tin, Dios!
Sí, manda mi, at’ami aki!’
(Wak tambe Sal. 10:4; Eze. 9:4.)