Dios Su Obranan Maravioso

1. Mi Dios, ki bon bo konosé mi;

kada rosea, kada moveshon,

kada deseo, kada pensamentu,

kada palabra, kada paso

i akshon.

Te den barika di mi mama

bo por a wak mi drumi bon skondí.

Ta ku bo man b’a diseñá mi kurpa

i den bo buki kada parti

ta skirbí.

Abo, mi Dios, tin tur konosementu

i p’abo nada no por ta tapá.

Si skuridat di morto rondoná mi

te serka mi bo lus lo penetrá.

Ta ken por skonde, o Yehova,

sin ku bo bon spiritu por hañ’é?

Mi subi shelu, baha te den morto,

òf te den fondo di laman mes, lo bo t’ei.