Referensia pa Material i Tarea pa Reunion Nos Bida i Sirbishi Kristian”

Referensia pa Material i Tarea pa Reunion Nos Bida i Sirbishi Kristian

6-12 DI NOVÈMBER

TESORO DI E PALABRA DI DIOS | YÒB 13-14

Hoya Spiritual

it-1-S 461

Shinishi

Shinishi tabata representá kos insignifikante òf sin balor tambe. Por ehèmpel, Ábraham a rekonosé lo siguiente dilanti di Yehova: “Mi ta stòf i shinishi.” (Gén 18:27; wak tambe Isa 44:20; Yòb 30:19.) Ademas, Yòb a kompará e dichonan di su supuesto amigunan ku proverbio ku “ta manera shinishi.”—Yòb 13:12, nota.

20-26 DI NOVÈMBER

TESORO DI E PALABRA DI DIOS | YÒB 18-19

w90-S 1/9 22 §20

Abo Ta Hasi Esfuerso pa Hasi Mas?

²⁰ Un kuerpo di ansiano mester rekonosé ku ora un superintendente òf sirbidó ministerial pèrdè su privilegio, esei por dun’é strès, asta si ta e mes a pidi pa e stòp di sirbi komo superintendente òf sirbidó ministerial. Si e no ta ekspulsá, i e ansianonan ta mira ku e ta deprimí, nan mester dun’é yudansa spiritual na un manera amoroso. (1 Tesalonisensenan 5:14) Nan mester yud’é mira ku e ta balioso pa e kongregashon. Asta si un ruman hòmber a risibí konseho, si e ta humilde i gradisidu, kisas lo no dura largu pa e bolbe haña privilegio den kongregashon.

18-24 DI DESÈMBER

TESORO DI E PALABRA DI DIOS | YÒB 28-29

“Bo Tin un Reputashon Manera Esun di Yòb?”

it-1-S 1225 §10

Paña

Tin hopi otro ehèmpel kaminda ta usa paña na un manera simbóliko. Por ehèmpel, hende ta usa unifòrm òf paña spesial pa mustra ku nan ta forma parti di un organisashon òf ta apoyá un kousa. Asina tambe, Beibel ta usa paña na un manera simbóliko pa indiká ki posishon un persona a tuma den un asuntu òf kiko e ta hasi pa apoyá un kousa. Un ehèmpel di esei ta Hesus su ilustrashon di e paña di kasamentu. (Mat 22:11, 12; wak PRENDA PARA LA CABEZA; SANDALIA.) Na Revelashon 16:14 i 15, Señor Hesukristu ta spièrta nos pa no pega soño spiritualmente i pèrdè nos identidat komo fiel testigu di e Dios berdadero. Esei por resultá di ta desastroso, pasobra “e guera ku lo tuma lugá riba e gran dia di Dios, e Todopoderoso,” ta serka.

25-31 DI DESÈMBER

TESORO DI E PALABRA DI DIOS | YÒB 30-31

“Yòb A Keda Limpi den Bista di Dios”

w08-S 1/9 11 §4

Pensa Riba “e Fin” di un Asuntu

Promé ku bo dal e promé stap pa kuminsá kana riba un kaminda robes, puntra bo mes: ‘Unda e kaminda akí lo hiba mi?’ Si bo djis para ketu un ratu i pensa riba “e fin” di un asuntu, esei por ta sufisiente pa stòp bo di hasi algu ku por tin konsekuensia serio. Hende ku skohe pa ignorá e spièrtamentu ei por haña nan ku yen di problema, manera AIDS i otro malesa transmití seksualmente, embaraso indeseá, aborto, famia kibrá òf un konsenshi ku ta molestiá nan. Pablo a bisa bon kla kiko ta e resultado final pa hende ku ta praktiká inmoralidat. Nan “lo no risibí e Reino di Dios.”—1 Korintionan 6:9, 10.