Kon Lo Bo Prepará pa Memorial?

Kuminsando e aña akí, nos lo tin mas tempu pa prepará pa Memorial. Ora Memorial ta kai riba un dia den siman, nos lo no tene e Reunion Nos Bida i Sirbishi Kristian pa e siman ei. Ora Memorial ta kai den wikènt, lo no tin diskurso públiko ni e Estudio di Toren di Vigilansia. Kon lo bo usa e tempu èkstra akí? Awe, meskos ku den promé siglo, mester hasi preparashon pa e okashon spesial akí. (Luk 22:7-13; km 3/15 1) Pero, pa nos tur por benefisiá plenamente di e okashon akí, nos mester prepará nos kurason. Kon nos por hasi esei?

• Pensa riba e importansia di asistí na Memorial.—1Ko 11:23-26

• Analisá bo relashon ku Yehova i hasi orashon tokante esei.—1Ko 11:27-29; 2Ko 13:5

• Lesa teksto di Beibel i otro publikashon basá riba Beibel ku ta splika nifikashon di Memorial i meditá riba loke bo ta lesa.—Hua 3:16; 15:13

Algun publikadó ta lesa e tekstonan pa e lesamentu di Beibel pa Memorial ku tin den e foyeto Analisá e Skritura Tur Dia i ta meditá riba esakinan. Otro publikadó ta lesa e tekstonan di Beibel ku tin den e tabèl aki bou. Tin otro ruman ta repasá algun artíkulo di e Toren di Vigilansia ku ta papia tokante Konmemorashon i e amor ku Yehova i Hesus a demostrá na nos. Sea kual sea e programa di estudio ku bo skohe, laga esei yuda bo hala mas serka Yehova i Hesus.