Orguyoso di Su Tata

‘MI A bira dòbel orguyoso di mi tata!’ un mucha muhé di 12 aña a bisa den un karta ku el a manda n’e ofisina di Testigunan di Yehova na India. E tabata referí n’e artíkulo “Tatanan Interesá Tin Yu Hòmbernan Mas Felis,” ku a sali den e sekshon “Opservando Mundu” dje Spièrta! di 8 di sèptèmber 1999. E artíkulo a informá di un estudio ku a saka na kla ku ora tatanan ta mustra interes personal den nan yu hòmbernan, esakinan ta bira adulto yen di konfiansa i speransa.

E mucha muhé a bisa ku e ta gradisidu ku e ku su ruman muhé ohochi ta bendishoná di tin un tata ku ta mustra e interes personal ei den nan. El a komentá ku e gusta e manera ku Spièrta! ta informá tokante susesonan mundial, i a agregá ku “e ta un revista masha útil pa alumnonan djawe.”

Pa yuda famianan preokupá trata ku e problemanan poko usual ku ta konfrontá humanidat awe, Testigunan di Yehova a publiká e buki di 192 página E Secreto pa Felicidad den Famia. E buki aki ta duna guia práktiko pa tur miembro di famia: esposo, esposa, mayor, yu, welanan, sí, pa tur hende. Entre su kapítulonan instruktivo tin “Entrená Bo Yu Desde Infansia,” “Yuda Bo Yu Tiner Desaroyá Su Mes Bon,” “Protehá Bo Famia di Influensianan Destruktivo” i “Mantené Pas den Bo Kas.”

Pa bo haña bo ehemplar, por fabor, yena e kupòn aki bou i mand’é n’e adrès riba e kupòn òf na un adrès mas kumbiniente menshoná na página 5 dje revista aki. Lo bo risibí sugerensianan spesífiko ku por yuda bo solushoná problema i hasi bida di famia e deleite ku e Kreador tabata kier p’e ta.

□ Manda pa mi un buki E Secreto pa Felicidad den Famia.

□ Por fabor, tuma kontakto ku mi pa un studio di Beibel grátis na kas.