Un Bishita na Nueva Zelandia

UN 800 aña pasá, e maorinan di e islanan tropikal di Polinesia a krusa laman i a establesé nan mes na Nueva Zelandia. Einan, nan a topa ku seru, gletsjer, awanan termal i sneu; un paisahe kompletamente diferente for di loke nan tabata konosé. I mas o ménos sinku siglo despues, e anglosahonnan a yega for di Europa. Awendia mayoria di habitante di Nueva Zelandia ta sigui tradishonnan di tantu e anglosahonnan komo e polinesionan. Kasi 90 porshento di e poblashon ta biba den stat. E stat Wellington ta ser konsiderá komo e kapital ku ta keda mas zùit riba nos planeta.

Aunke Nueva Zelandia ta un lugá ku ta keda relativamente leu, tur aña nan ta haña kasi tres mion turista. Esei no ta nada straño pasobra e tin diferente tipo di paisahe ku ta masha bunita.

Nueva Zelandia tin diferente tipo di mata i bestia. Nan tin e kantidat mas grandi di para ku no ta bula na mundu. Ademas, nan tin un bestia ku yama tuatara, un rèptil ku parse yuana. E por biba 100 aña. Anto e úniko mamíferonan (zogdier) original di Nueva Zelandia mes ta algun espesie di raton di anochi i algun mamífero grandi di awa, manera bayena i dòlfein.

Testigunan di Yehova tin kasi 120 aña ta prediká na Nueva Zelandia. Nan ta duna kurso di Beibel den por lo ménos 19 idioma, inkluso e idiomanan di Polinesia ku ta niueano, rarotongo, samoano i tongano.