Kiko Beibel Ta Bisa?

Lo tin berdadero hustisia riba tera?

Kiko lo bo kontestá?

• Sí

• Nò

• Kisas

Loke Beibel Ta Bisa

“Mi sa, SEÑOR ta duna pobernan derecho i E ta hasi hustisia na hendenan desafortuná.” (Salmo 140:12, BPK) E Reino di Dios lo trese berdadero hustisia na tera.

Kiko mas nos por siña for di Beibel?

• Dios ta mira e inhustisianan ku ta sosodé riba mundu i lo korigí nan.—Eklesiástes 5:8.

• Dios su hustisia lo trese pas i siguridat riba tera.—Isaías 32:16-18.

Dios ta preferá sierto grupo di hende?

Algun hende ta kere

ku Dios ta bendishoná òf maldishoná sierto grupo di hende, miéntras ku otro hende ta kere ku Dios ta trata tur hende meskos. Kiko abo ta pensa?

Loke Beibel ta bisa

“Dios no ta hasi distinshon di persona, sino ku e ta aseptá tur hende di tur nashon ku ta tem’é i ku ta hasi loke ta korekto.” (Echonan 10:34, 35) Pues pa Dios, tur hende ta igual.

Kiko mas nos por siña for di Beibel?

• Beibel tin “bon notisia” pa “tur nashon, tribu, idioma i pueblo.”—Revelashon 14:6.