Kiko e Reino di Dios Lo Hasi?

Loke Beibel ta bisa

E Reino di Dios lo remplasá tur gobièrnu humano i lo e reina riba henter tera. (Daniel 2:44; Revelashon 16:14) Ora esei sosodé, e Reino di Dios lo . . .

• Kaba ku tur e malbadonan, esta, hende ku pa motibunan egoista ta hasi malu ku otro. “E malbadonan lo wòrdu kòrtá kitá for di tera.”—Proverbionan 2:22, Beibel Santu.

• Pone fin na tur guera. “[Dios] ta hasi gueranan stòp te na e fin di tera.”—Salmo 46:9, Beibel Santu.

• Trese pas i siguridat riba tera. “Kada un di nan lo sinta bou di su palu di wendrùif i bou di su palu di figu, i ningun hende lo no spanta nan.”—Mikéas 4:4, Beibel Santu.

• Hasi tera un paradeis. “Tera seku i desierto lo ta kontentu, i Arabá lo regosihá i floria manera rosa.”—Isaías 35:1, Beibel Santu.

• Duna tur hende un trabou agradabel. ‘E skohínan di Dios lo disfrutá di e obra di nan mannan pa hopi tempu. Nan lo no traha en bano.’—Isaías 65:21-23, Beibel Santu.

• Kaba ku tur enfermedat. “Ningun habitante lo no bisa: ‘Mi ta malu.’”—Isaías 33:24, Beibel Santu.

• Libra nos di e efektonan di behes. “Laga su karni bira mas suave ku esun di mucha, lag’é bolbe na e dianan di vigor di su hubentut.”—Yòb 33:25, Beibel Santu.

• Resusitá e mortonan. “Tur esnan ku ta den graf lo tende [Hesus su] stèm i lo sali afó.”—Huan 5:28, 29.