Chelitakl 9 (26)

Bo Doltirakl er Aike el Llechul a Dios

(Chocholt 12:17)

1. Blak a rengud el mo ra Dios,

E dorrekedii a llemelted.

Oldingel obliil loba deurreng

Louchais ra kleb’kelel a ngklel.

El ua Resioning, e ke doba

Ongelaod el mo ra r’lmangel;

Mlia olangch ra bderrir,

Bo lsobeleterir a Dios.

2. A lak a rekdel el medad,

Dmolech a klaumerang ra chelsed.

A de kerrekikl ra rengud,

A dekiei el mo cherechar.

A bo domerk ra ungil chais,

A klem’rang a mo rar betok.

A lungil a rolel a ochid,

A de mui ra klou’l deurreng.

3. Mngesuterir a rudam ‘r kid,

Dirrek ar tonari er kid,

E kiei el ngara kltarreng

Lobengterir ar mesiou ra Dios.

Ngungil a rengud el kirel,

A deurreng er kid el mesiou.

Lak bo derebet ra klengit

E dekebkellii a ngklel a Jah.