Chelitakl 33 (72)

A Deurreng ma Rdechel A Omesiunged er a Renged

(Matteus 5:12)

1. Ngara omesiou ra Dios el Jehovah,

Diak lomekesiu a deuil a rengud,

Doba blekerurau lomerk ra klumech

Mar bebil a ngmai a ongelaod.

Di ua dilu er kid a Jesus el kmo:

A dorous engkuk klou’l deurreng.

E ngera kuk ungil bo dorous er ngii

El uai a klemerang el uchul a klengar

Ma sel doldingel obliil e ke domerk

Kede mo chemau a omelenguul,

E dolemolem el mesisiich a rengud

El orrekedii a cheledoled.

A le bor ngii a meringel lultok

Sel doldanges a ngklel a Jehovah,

Ma Jesus a dilul kmo mor ngii a deurreng,

E le dirrek ar profet a mlo chuarm.

3. Ngua ngerang a deurreng ra omesiou

Sel de ngara rael ua Mastang er kid:

Domerk ra sils ra Dios, mouchais rar mekngit

E moldanges ra Jehova’l Dios!

Me kede mesterir a rechad a omelatk

Ra chutem el mo diak a klengit er ngii.

Ngkmal mo uchul a deuil a rengud,

Ma omeltked ra klengar el mo cherechar.