Kot el Suobel

Ngmekerang e Sebechem el Metik el kmo Ngerang a Soal a Dios a Doruul

Ngerang a klou a ultutelel el tekoi el ngar er a chelsel a Biblia? (1)

Ngbabilengel techang a Biblia? (2)

Ngera me ngkirem el mesuub er a Biblia? (3)

1. A Biblia a kmal mekreos el sengk el mla er a Dios el mei. Ngbabier el mla er a kmal betik a rengul el chedam el mo er a rengelekel. Ngouchais er kid a klemerang el kirel a Dios—el kmo ngii ngtechang e ua ngera el blekeradel a lekengei. Ngdirrek el mesaod el kmo ngmekera e sebeched el mtekangel a ringel e metik a mera el deurreng. Ngdi ta el Biblia a ouchais er kid el kmo ngera kired el meruul me bo lsebeched el mo odeuir er a rengul a Dios.—Psalm 1:1-3; Isaia 48:17, 18.

2. A Biblia a lulluches er ngii a rebekord 40 el kakerous el chad el lousbech a kuk betok er a 1,600 el rak, el lulemuchel er a rak er a 1513 B.C.E. Ngar er ngii a 66 el mekekere el hong er a chelsel. E a rechad el milluches er a Biblia a mlukreng er a Dios. Me te milluches a uldesuel, el dimlak di luldesuir. Me seikid e a Biblia, a Babilengel a Dios el ngar er a eanged, el diak el babilengel a ngii di el chad el ngar er tia el chutem.—2 Timoteus 3:16, 17; 2 Petrus 1:20, 21.

3. A Dios a ulemekerreu er a Biblia me ngmle melemalt a oidel e uleketmokl. Ngkmal betok el Biblia a mla meruul el kuk betok er a ngii di el babier el mla meluches. Ngdiak el rokui el chad a mo dmeu a rengrir el mesekau el mesuub er a Biblia, engdi lak becherei tia el tekoi me lterbengii a omesubem. A klengar er kau el diak a ullebengelel er a ngar er a medam a ultuil er kau el loutekangel a ngii di lultok e melemolem el melai a klaodengei el kirel a Dios e meruul a soal.—Matteus 5:10-12; Johanes 17:3.