Ongeteruich ma Ongeua el Suobel
A Teletelel a Oketmeklel a Cheldebechel er a Resioning er a Jehovah
A Resioning er a Jehovah er a chelecha el sils ngulemuchel er a oingerang? (1)
A Resioning er a Jehovah ngua ngerang a longetmokl aike el miting er tir? (2)
Ngmekerang e mochar aike el lousbech? (3)
Te rua techang a omtebechel a derta el ongdibel? (4)
Ngera el meklou el kldibel a ngar er ngii er a bek el rak? (5)
Ngera el lureor a meketmokl er sel headquarters maike el branch el obis er tir? (6)
1. A uchelir a Resioning er a Jehovah er a chelecha el taem a mla er aike el rak er a 1870. A kot, e te mle okedongall el kmo Ngalek er a Skuul er a Biblia. Engdi sera rak er a 1931 e te ngiluu a ngakl el Sioning er a Jehovah el loltirakl a Bades. (Isaia 43:10) Me ngulemuchel el mle kekerei e mukeroul el mo klou el cheldebechel er a rebetok el milliol el Sioning, el mechesang el lomerk er a klumech er a chelsel a betok er a 230 el beluu er a beluulechad.
2. Oumesingd el ongdibel er a Resioning er a Jehovah a ngar er ngii a miting er tir el ede el taem er a chelsel a ta el sandei. Aki mengedemedaol er kau el mo er a ngii di lta er aika el miting. (Hebru 10:24, 25) A Biblia a chuchetemel a bek el tekoi el lolisechakl er aika el miting. A miting a lomuchel e mengesimer el lolab a nglunguuch. Ngdirrek el “chelitakl er a klereng” el kmal remutech a rengud a dirrek el longitakl er a oumesingd el miting. (Efesus 5:18, 19) Ngdiak locheraol a siseball, ma ka lolai a tenget er a chelsel aika el miting.—Matteus 10:8.
3. Oumesingd el ongdibel a kldibel er a Kingdom Hall el kirel a miting er tir. Oumesingd er aika el blai a di beot a rellel e omekedecheraol el lulemekedechor a revolunteer el Sioning. Ngdiak mues a ngii di el bleob, ma kerus, ma lechub e ngngii di lengerang el uaisei er a chelsel a Kingdom Hall. Aike el lousbech el ludoud a mo er ngii el loeak a mimokl el tengetengir a rechad. Tirke el sorir el olengeseu, a di tir el mo omelecha ngelsurir er a chelsel aike el box el blil a tenget el ngar er a chelsel a blil ongdibel.—2 Korinth 9:7.
4. Ngngar er a derta el ongdibel, e ngngar er ngii a remechuodel, ma lechub e te overseer. Tirka itirke el loungerachel er a rolel a osisechakl er a chelsel a ongdibel. (1 Timoteus 3:1-7; 5:17) Te ngar er ngii a reministerial servant el loureor el lolengeseu er tir. (1 Timoteus 3:8-10, 12, 13) Tirka el chad a diak lengar er a bab er a rebebil er a chelsel a ongdibel. (2 Korinth 1:24) Ngdiak a ileakl el dui el lebesterir. (Matteus 23:8-10) Ngdiak loubail a ngodech a teletelel el bail el meleakl er tir er a rebebil. Ngdirrek el diak luduudel el kirel a ureor el loruul. Tirka el mechuodel a dmeu a rengrir el kongei er a ngerachel el lomekerreu aike el lousbech a ongdibel el tekoi er a klereng. Me ngsebechir el mengelaod e omekrael er a rechad sel lebo lechelebangel a ringel.—Jakobus 5:14-16; 1 Petrus 5:2, 3.
5. A Resioning er a Jehovah a dirrek el ngar er ngii a meklou el assembly ma lechub e ngconvention el loruul er a bek el rak. Aikakid el taem e a betok el kakerous el ongdibel a mo dmak el kldibel el kirel a ileakl el program er a osisechakl el mla er a Biblia. A techolb er a rebeches el mo disciplo a dirrek el luldimukl er a program er a bek el assembly ma lechub e ngconvention.—Matteus 3:13-17; 28:19, 20.
6. A headquarter er a Resioning er a Jehovah er a beluulechad el rokir a ngar er a New York. Ngar er isei e ngngar er ngii a Governing Body, el tir a meklou a duch er tir el mechuodel el odam el loungerachel er a ureor er a bek el ongdibel el liueklii a beluulechad el rokir. Ngdirrek el ngar er ngii a betok er a 100 el branch el obis el berberriid er a beluulechad. Ngar er aika el basio, e tirke el volunteer el rudam ma rudos a oureor el meruul a babier el mesaod er a Biblia e dirrek el loldurokl el mo er a bek el ongdibel. Te dirrek el omtebechel er a berkel a klumech er aike el beluu el meliuekl er tir. Ngera me ngdiak kuk mosiik a techall e molib a omerolem el mo mesarech er sel branch el obis el kmeed er a omngar er ngii?