Babier el Mlara Governing Body

Betik er a Rengmam el Odam me a Odos:

A bltkil a rengud el mora Dios me a rechad a odbechid el mo ‘merael . . . e meruul er [a rechad] el mo obengkel [a Jesus], e melecholb er tir.’ (Mt. 28:​19, 20; Mk. 12:​28-31) Ngmesisiich el klekedall a bltikerreng el diak a cheleblad er ngii. Ngsebechel remutech a rengrir “tirke el rokui el rredemelel a diak a ulebengelel el klengar.”—Rel. 13:​48, NW.

A ngar er a mong e kede mle blechoel el memorize a cheldechedechad e omechei a babier. Chelechang e ngkired el mo olengeriakl er a rolel a dongedecheduch er a rechad. Ngsoad lochotii a bltkil a rengud el mo er tir loeak a dosaod aike el tekoi el tir a semeriar er ngii. Tia belkul a kmo ngkired el mo flexible e kerekikl el melatk aike el sorir me a ngar er a uldesuir a rederta el chad. Ngmekera tia el brochure e mo ngosukid el meruul er tiang?

Tia el brochure a 12 a suobel er ngii, el ngii a olisechakl er kid a blekeradel el kired el mekeroul me bo lsebeched el lolecholt er a bltikerreng e meruul er a remo disaiplo. A derta el suobel a mengai er a cheldecheduch er a Biblia el mesaod er a blekeradel el Jesus me a lechub e ngta er a rekot el Kristiano a ullecholt er ngii er a lomerk er a klumech. Me ngdiak el turrekong er kid a memorize a cheldechedechad ngbai soad el losiik a rolel e kede ochotii a bltkil a rengud el mora rechad. Me alta kede ousbech aika el rokui el blekeradel sel domerk er a klumech, engdi kede mo merriter er a rolel e a ileakl el blekeradel a usbechall sel domuchel a cheldechedechad, doruul a return visit, me a dosuub a Biblia lobengterir a rechad.

Sel momes a derta el suobel e mkerekikl el merriter er a rolel e ngsebechem lochotii ngii el blekeradel sel mongedecheduch er a rechad er a beluu. Molasem el lmuut el mo dmolech a bltkil a rengum el mora Jehovah me a rechad. Ngtiaikid el bltikerreng el ngaruchei er a ngii di el technique, a mo ngosukau el otutii a turrekong er kau el meruul er a remo disaiplo.

Aki kmal appreciate er a ileakl el techall el loureor el kaukledem lobengkemiu. (Sef. 3:​9, NW) A Jehovah lomekngeltengat er kemiu el melemolem loubltikerreng el mora rechad e meruul er a remo disaiplo!