“A Rechad Te Mo Melemall er Tia el Chutem?”

● Sel dengar er a melidiul e domes er tia el Chutem, e ngdi ua klebokel el mellemau e becheleleu el mekreos el bad. Engdi sel bo dekeed e dungil el omes er ngii e ngsebeched el mesang el kmo tia el beluad a kmal metemellang. E ngera uchul? A nger a kmal bleketakl el kmo: A rechad el kiei er a chelsel a kmal mekngit a omerellir. Me a lmuut el tang, te mla tomellii tia el chutem el diak di loeak a terrekakl el omengitel a komi, e lolemall a cheremelel, te dirrek el melemall aike el kerremelel a beluu, e mengitechut a tekoi er a kldung me a tekingel a Dios el okiu a mesisiich el uldikel, koadelchad me a dirrek el tekoi er a deleboes.

Tia el mekngit el blekerdelel a klengar a lulemlaoch er ngii er a bekord el eru el telael el rak er a mla me mong el ngii el ulaoch a llechukl er a chelsel a Biblia. (2 Timoteus 3:1-5; Chocholt 11:18) A Biblia a dirrek el ulemlaoch el kmo ngdiak a ngii di el chad el sebechel el sumechokl aika el rokui el chelebirukel, ngdi ta el Dios a sebechel. Aikaikid el meklou a ultutelel el tekoi a mo motobed er a cheldecheduch el mo er a buai el dai er ngii a kmo “A Rechad Te Mo Melemall er Tia el Chutem?” Tia el cheldecheduch a mo motobed er a chelsel aike el edei el sils el meklou el ongdibel er a Resioning er a Jehovah el dai er ngii a kmo “A Rengedel a Dios Lemei!” el ngii a mo omuchel er a ongeim el buil er a beluu er a Merikel e melemolem el meliuekl er a beluulechad el rokir.

Aki kmal mengemedaol er kau el mo er a ta er aika el meklou el ongdibel el kmeed er kau. A lsoam a lmuut el omesodel e ngsebechem el mengedecheduch er a ta er a Resioning er a Jehovah el ngar er a beluam me a lechub e moluches el mo er tirke el mirruul er tia el babier. A ulterekokl el Web site er tir el www.jw.org a beldukl er ngii aike el basio el mo er ngii aika el ongdibel er ngii er a beluu er a Canada me a beluu er a Merikel.