A Ulterekokl el Web Site er Kid a Mileketmokl el Mo Uchul a Klungioled me a Rebebil
A Jesus a milengelechel er kid el mo omerk er a ungil chais er a Renged “er a beluulchad el rokir el kirel el mo ocholt el mor a rokui el chad.” (Mt. 24:14) A watchtower.org, jw-media.org, me a jw.org a mla modak el di mo ta el Web site el jw.org el olengeseu er kid el ‘meruul a ikel rokui el ngercheled kid el mesiungel a Dios.’—2 Ti. 4:5.
“Beluulchad el Rokir”: A ta er a edeitiud er a rechad er tia el beluulechad a ousbech er a Internet. A ruumesingd el chad, el ileakl a rengeasek a mo er ngii el mo osiik a omesodel a betok el tekoi. Tia el site er kid a mesterir a rechad el ousbech a Internet a klemerang el nger el kirel a ker er a Biblia. Ngosuterir el mo medengelii a cheldebechelel a Jehovah e rullii el mo beot er tir el olengit a diak locheraol el omesubel a Biblia. Ngdirrek el rullii me bo el sebechel a ungil chais el mo er aike el basio el diak a kmal techellir a rechad er ngii el rongesii a klumech er a Renged.
“Rokui el Chad”: Ngkired el ouchais er a klemerang er a Biblia el ngar er a kakerous el omelekoi me bo el sebeched el omerk er a klumech el mo er a “rokui el chad.” A rechad el mo er a jw.org a sebechir el metik a omesodel a tekoi el ngar er a bekord el 400 el omelekoi, el kuk betok er a ngii di el Web site.
Bo Mungil el Ousbech er Ngii: A mlukbeches el jw.org el Web site a dimlak di lemeketmokl me bo el sebeched el ousbech er ngii el ousioning el mo er a rediak loumerang e lemerekong. Ngdirrek el mileketmokl el kirir a Resioning er a Jehovah. A lsekum e ngsebechem el mo er a Internet, e aki melisiich er kau el mo meduch el ousbech er a jw.org. Aikaikid a bebil er a ulekrael el kirel a rolel a dousbech er ngii.
[Diagram el ngar er a 3 el llel]
(A lsoam el omes er ngii, e momes er a babier)
Ka Molasem er Ngii
1 Mlechesii a www.jw.org er sel doluches a address er ngii er a Internet browser er a computer er kau.
2 Momes er tia el site el oeak sel momet aika el kakerous el dai me bo mungil el medengelii.
3 Momes er a jw.org el oeak a mousbech er a mobile device er kau el sebechel el mo er a Internet. Alta ngmekekerei a siasing, engdi a suobel el ngar er a chelsel a di osisiu.