Dousbech er a Web Site er Kid el Ngar er a Omesiunged​—“A Nger er Aike el Ker er a Biblia”

A “Bible Teachings” er a jw.org a ngar er ngii a suobel er ngii el dai er ngii a kmo “Bible Questions Answered.” A lsekum e kede ungil medengei aike el ker el leblechoel el oker a rechad, e ngsebeched el omekrael er tir el mo er a Web site er kid el kirel a nger el mla er a Biblia. Aika el ker a dirrek el sebeched el ousbech el omuchel a cheldechedechad el ngar er a omesiunged. Ngsebeched el ngiltii a ker el lesemeriar er ngii a rechad el ngar er a basio el domerk a klumech er ngii, e oker er a chad er a blai el kirel a uldesuel, e sola ouchais er ngii aike el lolekoi a Biblia, el ousbech a omesaod el ngar er a jw.org. A uriul, e ngsebeched el smodii me a lechub e kede ochotii er ngii el kmo kede miltik a omesodel a suobel er ker. A lmuut el ta er a tekoi el sebeched el rullii a mecherei me lechiuii a nger el mla er a Web site er kid. A bechil a ta el odam el oldingel a ongdibel a ngar er ngii a ungil el tekoi el dilubech el mo er ngii sel ledu el kmo: “A rebetok el chad a melatk el kmo, ‘A Dios nguchul aika el ringel el dechelebangel?’ Ngsoam el mo medengelii a nger er tiang er a di chelsel a 51 el bio?” E sola e ngii a orelii a nger er tia el ker el download el ngar er a mobile device er ngii. E merekui er a cheldechedechal el oeak a losaod er a 11 el bliongel er a Biblia Olisechakl el babier.