Mousbech er a jw.org el Ngar er a Omesiungem​—“Become Jehovah’s Friend”

A jw.org a ngar er ngii a bliongel er a chelsel el “Bible Teachings” el ngar er ngii a “Become Jehovah’s Friend” el kirir a rengalek e tiang a uldimukl a chelitakl, video, me a bebil er a activity. Ke mla ousbech er tia el bliongel el ngar er a omesiungem? A lsekum e ke mesuub a Biblia el obengkel a chedam me a lechub e ngchedil el ngar er ngii a remekekerei el ngelekel, e ngera me ngdiak mochotii el mo er ngii? Tia sebechel el rullii el mo omes a kuk bebil er a tekoi er a Web site er kid.

Sera lorous er a Chisel a Renged No. 38, e a ta el odam a miltik er a redil el di mle mereched el nguu tia el tract e menguiu er ngii er a uriul er a lenguu el msang. E mla er ngii a remekekerei el ngelekel el mle melemlim a rengrir er tia el tract. Me ngika el odam a mle telkib el mesaod a tekoi er a chelsel e dirrek el ulechotii a Web address el ngar er a ikrel tia el tract. Ngii el redil el ullecholt el kmo ngmle semeriar a uchul me ngika el odam a ngiluu a techall el orrael er a ta er aike el video er a Caleb el kirel ngii me a rengelekel, el ousbech er a mobile device er ngii.

A ta el odos a uluuchais er a chad er a urerel el ngar er ngii a remekekerei el ngelekel el kirel a Web site er kid me aike el suobel el ngar er a chelsel el kirel a telungalek. Ngika el redil me a rengelekel a mlo omes er a jw.org. E a uriul e nguluuchais er ngika el odos el kmo a rengelekel a merael er a chelsel a blai el mengitakl er a “Preach the Word,” el ta er aike el chelitakl el ngar er a “Become Jehovah’s Friend.”

Bo mungil el medengelii tia el bliongel er a jw.org, download er a ta er a video, chelitakl, me a lechub a activity el mo er a mobile device er kau. E seikid e ngmo sebechem el kltmokl el mo ousbech er tia el bliongel er a jw.org sel omoruul er a omesiungem. Tiang a kmal klou a ultutelel el dongu el mo ngosukid el mo mesiou er a Rubak!​—Rel. 20:19.