Ngera Me Ngkired el Mereched el Meterakl?

Sel bo dekebetech el mo odingel a obliil, e kede mo teloi er a rudam er kid me ngblechoel el soad el chadecheduch. Nguaisei, engdi sel bo lemerek tia el miting, e ngkired el melasem el mereched el mo er a basio el bo domerk er a klumech er ngii. A urered er a berkel a klumech a kmal orechudel. (2 Ti. 4:2) E le a lsekum kede mo meoud, e ngmo mekesai a taem el dousbech er a omesiunged. Ngmo er ngii a klou el techelled el oldeu er a rengud er a ungil el omelisiich el obengterir a rebebil er a re publisher sel doureor el obengterir el omerk er a klumech. Me a lsekum ngdiak dekelekall e mereched el merael el mo omerk er a klumech e kede olecholt el kmo kede meses el mesiou er a Jehovah me a Ngelekel.​—Rom 12:11.