“Uldasu el kirel a Dorous a Magazine er a . . .”

Ngblechoel el ngar er ngii a cheldecheduch er a Miting el kirel a Berkel a Klumech er a bek el buil el mesaod el kirel a omerusel a magazine. A moktek er ngii a diak bo lomelekl aike el ngar er a magazine e ngbai mo mesaod a uldasu el kirel a dorous aika el magazine. Me a leuaisei, e ngoltirakl aike el ulekrael, e a odam a kirel el mo kedeb a uchelel a cheldechedechal me bo lomeksemeriar a rechad el kirel a magazine. E sola e ngoker a uldesuir a rechad el kirel a ta er aike el suobel me bo el sebechir a rokui el chad el oltirakl e meluches a uldesuir el kirel aike el sorir el ousbech. Me ngdiak lolengit er a rechad me louchais er a cheldechedecherir el rokir, e ngbai di olengit a bebil el uldasu el kirel a ker el omeksemeriar a rengrir a rechad me a bades el sebechir el menguiu. E sel bo el orokiolel a cheldechedechal e ngochotii a ta er a olechotel a dorous a magazine. Kede muchelechel el mo omes a magazine er kid er a uchei e mo kltmokl el onger. A lsekum a rokui el chad a ungil mengetmokl er tir, e tia el cheldecheduch a sebechel ngosukid el kausisechakl er a delongeled.​​—Osi. 27:17.