A Klemerang el Kirel a Ngar Medad el Taem

A Jesus a milsaod er a rolel e kede mo medengei el kmo “a Rengedel a Dios a kmedal mei.” (Lukas 21:31) Ngulemlaoch el kirel a bebil er a tekoi el mo er ngii el ua meklou el mekemad, me a meklou el desiu, me a bosech, me a meringel el rakt, el ngii a tekoi el domes er chelecha el taem.​—Lukas 21:10-17.

Me a lmuut el tang, a Biblia a olecholt el kmo ngar er aike el “uriul sils” er a omengederederir a rechad e a rechad a kmal mo mekngit a omerellir. Ngsebechem el menguiu el kirel tiang el ngar er a 2 Timothy 3:1-5, BT. Me sel momes aika el blekeradel me a omeruul er chelecha el taem, e kulterekokl el kongei el kmo tia el ulaoch er a Biblia a kmal ungil mesaod aike el tekoi el dubechang er chelecha el taem.

Me tiang ngera belkul? Ngdi kmedung e a Rengedel a Dios a mo kutmokl a meklou el tekoi el mo rullii a klengar er tia el chutem el kmal mo ungil. (Lukas 21:36) Ngar er a Biblia, e a Dios a tibir el kmo, ngmo er ngii a ungil tekoi el mo meketmokl el kirel tia el chutem me a rechad el mo kiei er ngii. Aikaikid a bebil er ngii.

A UNGIL OMENGEDEREDER

“Me ngmlar isei e [a Jesus a] ngiluu a klisiich, ma omengull, ma klisichel omerreder, el kirel me losiou er ngii a re chad er a bek el beluu, ma re bek el bedengir a re chad, ma kakerous el omelekoi. E a klisichel a medechel el mo cherechar, e a rengedel me ng diak a ulebengelel.”​—DANIEL 7:14.

Tia ngera belkul: Ngsebechel el mo dmeu a rengum el chederedall er a kot el ungil kabelment el mo mengedereder er a beluulechad el rokir, el Dios a mla toketekii el Ngelekel a mo King er ngii.

A UNGIL KLISICHEL A BEDENGED

“Ng mo diak a tal chad el kiei er a beluad el lmuut el mo mengeremrum el kmo ng smecher.”​—ISAIA 33:24.

Tia ngera belkul: Ngdiak a ta el bo msecher me a lechub e lebo er ngii a chelitechetul a bedengem, e mo sebechem el kiei el diak bo mad.

A CHERRUNGEL EL BUDECH

“Ng merrob a mekemad er a beluulchad el rokir.”​—PSALM 46:9.

Tia ngera belkul: Ngdiak deluut el mo remenges a chisel a mekemad me aike el ringel el obengkel.

A BELUULECHAD A MO MUI ER A RUNGIL CHAD

“A re dengerenger a mo dibus . . . ngdi tirkel medemedemek a mo ungilbesrir el kiei el ngar a beluu.”​—PSALM 37:10, 11.

Tia ngera belkul: Ngmo diak a remekngit el chad, te di mo medechel tirke el sorir el olengesenges er a Dios.

TIA EL CHUTEM EL ROKIR A MO BARADIS

“A re chad a mo toketek a blai e mo kiei er ngii; el diak le ngodech el chad a mo ousbech. Te mo dualem a sers er a bilong, e mo dmeu a rengrir er a bilong; ng diak le kuk ngodech el chad a mo melim.”​—ISAIA 65:21, 22.

Tia ngera belkul: Tia el chutem el rokir a mo klebokel. E a Dios a mo otutii a nglunguched el olengit me a soal bo lemotaut er tia el “beluulchad.” ​—Mateus 6:10.