A Omesodel Aike el Babier

A Ongkerongel December 2010

“Kid el rokui a soad el mo ungilbesul a rengud er aike el ngar er ngii er kid. Omomdasu e kede ousbech a udoud el mo ungilbesul a rengud er aike el ngar er ngii er kid? [Morrenges er a nger er ngii.] A ta er a milluches er a Biblia a milsuub er a rolel e ngsebechel el di ungilbesul er aike el ngar er ngii er ngii. [Monguiu er a Filipi 4:​11, 12.] Tia el babier a meskid, el loeak a Biblia, a eim el bertelel a rolel e ngsebechel el mo ungilbesul a rengud er aike el ngar er ngii er kid.”

A Ongkerongel December 2010

“Omomdasu e ngmerael el mo meringel er a ruungalek el mo olisechakl er a rengelekir a tekoi er a kldung? [Morrenges er a nger er ngii.] A tekingel a Dios a mesaod er a uchul e ngmeringel el tekoi. [Monguiu er a 2 Timoteus 3:​1, 3.] A ta er a tekoi el betok el ruungalek a metik er ngii el kmo ngmeringel er tir el mesaod el mo er a rengelekir a kirel a durs. A suobel el ngar er a 18 el llel a meskid a betok el ungil el rolel e ngsebeched el meruul er tia el tekoi.”

A Ongkerongel January 2011

“A rebetok el chad a oumerang el kmo ngngar er ngii a remellomes a rengrir el bleob el kiei er a eanged el tir a sebechir el ngar er ngii a lerellii er a klengar er kid. Ngera uldesuem? [Morrenges er a nger er ngii. E sola e mchiuii a Chocholt 12:​7-9.] Tia el babier a olecholt el kmo ngerang melekoi a Biblia el kirir tirke el kiei el ngar er a eanged, me a tekoi loruul ngera ngrullii el mei er kid, e dirrek el ouchais er kid el kmo ngsebeched el mengedecheduch er tir me a lechub e ngdiak.”

A Ongkerongel January 2011

“A ta er a kot el uchul a klengiterreng er a chelsel a telungalek a sel sekum a chad a di ngii el nguu a klengar er ngii. Omomdasu e ngngera sebechel ngosuir a chad me lak di el ngii el nguu a klengar er ngii? [Morrenges er a nger er ngii.] A Biblia a ouchais er kid el kirel a tekoi el sebechel olengeseu. [Monguiu er a Rom 15:⁠4.] Ngar er a 14 el llel tia el babier e ngochotii el kmo ngmekerang a ongelaod el mlengai er a bades e ngilsuir a ta el chad me ngdimlak el di el ngii el nguu a klengar er ngii.”