A Omesodel Aike el Babier

A Ongkerongel January 2011

“A rebetok el chad a oumerang el kmo ngngar er ngii a remellomes a rengrir el bleob el kiei er a eanged el tir a sebechir el ngar er ngii a lerellii er a klengar er kid. Ngera uldesuem? [Morrenges er a nger er ngii. E sola e mchiuii a Chocholt 12:​7-9.] Tia el babier a olecholt el kmo ngerang melekoi a Biblia el kirir tirke el kiei el ngar er a eanged, me a tekoi loruul ngera ngrullii el mei er kid, e dirrek el ouchais er kid el kmo ngsebeched el mengedecheduch er tir me a lechub e ngdiak.”

A Ongkerongel January 2011

“A ta er a kot el uchul a klengiterreng er a chelsel a telungalek a sel sekum a chad a di ngii el nguu a klengar er ngii. Omomdasu e ngngera sebechel ngosuir a chad me lak di el ngii el nguu a klengar er ngii? [Morrenges er a nger er ngii.] A Biblia a ouchais er kid el kirel a tekoi el sebechel olengeseu. [Monguiu er a Rom 15:⁠4.] Ngar er a 14 el llel tia el babier e ngochotii el kmo ngmekerang a ongelaod el mlengai er a bades e ngilsuir a ta el chad me ngdimlak el di el ngii el nguu a klengar er ngii.”

A Ongkerongel February 2011

“A rebetok el chad a oumerang el kmo a sers er a Eden a di delbochel el tekoi. Ngera uldesuem a obo medengei el kmo a Jesus a milsaod el kirel a Adam me a Eba el ua remera el chad er a irechar? [Morrenges er a nger er ngii. E sola e monguiu er a Matteus 19:​4-6.] Tia el babier a onger a bebil er a kerrir a rechad el kirel a sers er a Eden.”

A Ongkerongel February 2011

“A rebetok el chad a omdasu el kmo a Dios a omekerreu er a klechad, engdi ngmeringel er tir el mo oumerang el kmo ngomekerreu er a derta me a derta er tir. Ngera uldesuem el kirel tiang? [Morrenges er a nger er ngii.] Ka momtab a tekoi el lolekoi a tekingel a Dios el kirel tia el tekoi. [Monguiu er a Psalm 149:⁠4.] Tia el babier a ngosukid el mo medengei el kmo Ngike el Ulemeob er kid a kmal omekerreu er a derta me a derta er kid.”