Bebil er a Rolel a Domuchel a Cheldechedechad

Omuchel a Omesubel a Biblia er Sel Kot el Sebadong er a January

“A ruumesingd el chad a ngar er ngii a uldesuir el kirel a Dios. A rebebil a omdasu el kmo ngmengasireng el klisiich. E a rekuk bebil a omes er ngii el betik a rengul el Chedam el ngar er a eanged. E kau ngkuk ua ngera uldesuem el kirel a Dios?” Mongiil er a nger er ngii. Mochotii a ikrel a January 1 el Ongkerongel, e mdak el mesaod er sel suobel el ngar er a cheungel sel kot el ker me a ta er aike el llechukl el bades. Bsang a magazine, e mketmeklii a taem el mluut el mong e mosaod er a ongingil el ker.

A Ongkerongel January 1

“Aki mle oldingel el mesaod er a tekoi el ngar er ngii a lerellii el me er kid el rokui, el ngii a kodellel a betik er a rengud. Kau ke kongei el kmo a doridii a kmeed el sechelid me a lechub a chedad a ta er a kot el meringel el tekoi el bo dechelebangel er ngii? [Mongiil er a nger er ngii.] A rebetok a mla metik er tiakid el bades er a Biblia el kmal el uchul a ongelaod. [Monguiu er a Isaia 25:⁠8.] Tia el magazine a mesaod er a telbiil er a Biblia el kmal uchul a ongelaod el me er kid e le ngmo meterob a kodall e a rebetik er a rengud a lmuut el me ngar.”

Omuchel a Omesubel a Biblia er Sel Kot el Sebadong er a February

“A rechad el ki mongedecheduch er tir a ngar er ngii a kakerous el uldesuir el kirel a Biblia. A rebebil a oumerang el kmo ng Tekingel a Dios, e a rebebil a omes er ngii el kuk di ta er a babier. E kau ngkuk ua ngera uldesuem el kirel a Biblia?” Mongiil er a nger er ngii. Mochotii a ikrel a February 1 el Ongkerongel, e mdak el terung el mesaod er sel suobel el ngar er a cheungel a kot el ker me a ta er aike el llechukl el bades. Bsang a magazine e mketmeklii a taem el mluut el mong e mosaod er a ongingil el ker.

A Ongkerongel February 1

“A ruumesingd el chad a sorir el mo mesa ulebengelel a mekemad. Omomdasu e a beluulechad ngmera el sebechel el mo er ngii a budech er ngii? [Mongiil er a nger er ngii.] Ka momtab er tia el telbiil el ngar er a Bades. [Monguiu er a Psalm 46:9] Aike el tekoi el dilubech er a temel a Kot el Mekemedil a Beluulechad me a uriul er ngii a oterekeklii a rengud el kmo ngdi kmedung e a Dios a mo otutii tia el ulaoch e mo merrob a mekemad el mo cherechar. Tia el magazine a mo mesaod er ngii.”