Ngkired el Blechoel el Kltmokl el Omerk er a Klumech
1. Kede mekerang e mo medengei el kmo tirke el lulemerk er a evangkelio er a kot el dart el rak a mle blechoel el kltmokl el omerk er a klumech?
1 Tirke el ulemerk er a evangkelio er a kot el dart el rak a “dimlak le meterob” el omerk er a ungil el chais sel lebetik er a rechad. (Rel. 5:42) Kede kora melatk el kmo nglocha dimlak el sebechir el merael el engelakl er a rechad el ngar er a rael e lak lomerk er a klumech el mo er tir, me a lechub e lak longedecheduch er tir er a blil a makit er a uriul er a loldingel a obliil. Te mle ua Jesus el mle blechoel el kltmokl el omerk er a klumech.—Mk. 6:31-34.
2. Ngera el tekoi a uldimukl er tia el ngakl el dobang?
2 Bo Blechoel el Kltmokl: Tia el ngakl el Sioning er a Jehovah a diak di losaod aike el tekoi el doruul; e ngbai mesaod el kmo kid kede rua techa el chad. (Isa. 43:10-12) Me ngkired el blechoel el kltmokl el mesebechakl er tia el omeltked, el mo lmuut er a taem el diak doldingel a obliil. (1 Pe. 3:15) Me kau, ke blechoel el omes a bek el techall el mo mengedecheduch er a rechad, e dirrek el melatk el kmo ngera el tekoi a soam el mo melekoi? Ke olab a babier er a bek el taem me ngsebechem el merous el mo er tirke el semeriar? (Osi. 21:5) Kau, ke di olisechakl er sel taem el moldingel a obliil, me a lechub e ke dirrek el omerk er a ungil el chais el mo er a rechad er a bek el techall el okiu a kuk bebil er a rolel?
3. Ngera uchul me ngklou a ultutelel a berkel a klumech er a rael, parking lot, blil a omilil, basio er a siobai me a lmuut el bebil?
3 Ousioning er a “Buai”: Kid a omerk er a klumech er a rael me a parking lot, blil a omilil, basio er a siobai me a lmuut el bebil. A chouaika el tekoi ngkmal ngodech el rolel a berkel a klumech? A apostol el Paulus a dilu el kmo ngullisechakl er a “buai” me a obliil. (Rel. 20:20) A odingel a obliil a kot el klou a ultutelel, e dirrek el ungil el rolel e kede omerk er a klumech el kirel a Rengedel a Dios el mo er a rechad. Me nguaisei, engdi a rulemerk er a klumech er a kot el dart el rak a ulsiik er a rechad el dimlak losiik a blai. Te uluusbech a bek el techellir el mengedecheduch er a rechad el kirel a klemerang sel lengar er a buai, me a ngii di el taem, me sel loldingel a obliil. Me bo deblechoel el melatk aika el tekoi me bo el sebeched el churrengelii a omesiunged.—2 Ti. 4:5.