Bebil er a Rolel a Domuchel a Cheldechedechad

Omuchel a Omesubel a Biblia er Sel Kot el Sebadong er a Ongeteruich el Buil

“Omomdasu e a Dios ngdmeu a rengul sel lomes a blekeradel er a beluulechad er chelechang? [Morrenges er a nger er ngii.] A Biblia a ochotii el kmo a Dios a di kmedung e ngmo melodech a blekeradel er a beluulechad el mo ungil. [Monguiu er a Ocholt 21:​4.] Ka momtab a lolekoi er ngii tiang.” Bsang a chad er a blai a Ongkerongel er a September 1, e mdak el menguiu er sel kot el suobel el ngar er a 14 el llel. E bsang a magazine e mketmeklii a taem el mluut el mo oldingel er ngii e mosaod a bebil er a telbilel a Dios el di kmedung e ngmo oltaut er a ngar medad el klebesei.

A Ongkerongel September 2012

“A rebetok el miliol el chad el ngar er a beluulechad el rokir a melamech a buuch. Ngmla ta el molatk er a uchul me a rebetok el chad a melamech? [Morrenges er a nger er ngii.] A Biblia a mengelechel er kid el mo omdasu el kirel a osengel a Dios el kirel tia el omeruul. [Monguiu er a Rellir 17:​28.] Tia el magazine a mesaod er a bebil el omellach el mla er ngike el Omeskid a Klengar el sebechel el ngosukid el mo medengei el kmo a chad ngkirel melamech a buuch me a lechub e ngdiak.”