Ke Mo Mekerang er a Temel a Chedaol el Sils?

A rebetok el chad el oureor a ngar er a rekeblirir sel temel a chedaol el sils me a ungil klebesei er a beluu a uchul me aikang a blechoel el ungil el taem el bo doldingel a obliil. A ongdibel a muchelechel el mo kutmokl a ileakl el tekoi el kirel a doldingel sel temel a chedaol el sils. A lsekum a rebetok el chad a mo meoud el mekiis sel letutau e ngbai ungil a dengedechii a temel a miting el kirel a oldingel. Ngar sel Miting el kirel a Berkel a Klumech, e nglocha mo er ngii a subed el ouchais er a ongdibel el kirel a ngii di el ileakl el tekoi el kirel a doldingel sel temel a chedaol el sils e dirrek el melisiich er a rebek el chad el sebechir me bo el teloi er ngii. Nguaisei, a chedaol el sils a dirrek el meskid a taem el olengull me a lechub e kede mengetmokl a chelsengud. Engdi kele bai lungil a dousbech a taem el mo oldingel er sel sils. E seikid e kede mo oldeu a rengud er a omelisiich el mo er ngii sel doruul er a omesiunged el mo er a Dios.​​—Mt. 11:​29, 30.