Schedule er Tirke el Regular Pioneer

A chad el mo regular pioneer a kirel kutmeklii a ungil schedule er ngii. A lsekum ke mengoit a 18 el sikang el oldingel er a bek el sandei, e ngsebechem el mo pioneer, e dirrek el dirk ngar er ngii a temem el sebechem el melai er a ulengellem. A chouaisei el schedule a dirrek el ungil, e le bebil er a taem e ngduubech a bkaischemrungel el tekoi, el uai a secher me a lechub e ngmo mekngit a eanged. Tia el chart a mo ngosuterir a re publisher el oureor el mui el taem, me a lechub e ngtedobech el taem, me tirke el ngar er ngii a secherir, me a lechub e ngdiak a kmal klisichir, el mo mesa el kmo ngsebechir el mo pioneer me a lechub e ngdiak. Nglocha sebechiu el mo melodech a bebil er a tekoi er a chelsel a telungalek me bo el sebechel a ta er kemiu el mo pioneer er a September. Ngsebechiu el mo mesaod er tiang er a temel a omengull el telungalek er kemiu.