MKIEI EL UA KLENGAR ER A REKRISTIANO
Lak Mobes el Meluluuch el Kirir a Rekristiano el Modechelakl
A Biblia a ulemlaoch el kmo, a Satan a mo oldechelakl er kid e le ngsoal el merrob er tia el urered er a berkel a klumech. (Jn 15:20; Och 12:17) Me ngmekerang a dengesuterir a rekldemed el Kristiano el chelebangel a odechelakl el ngar er a bebil er a beluu? Ngsebeched el meluluuch el kirir. “A nglunguchel a melemalt el chad a kmal klou a le rellii.”—Jak 5:16.
Ngerang a sebeched el meluluuch el kirel? Ngsebeched el olengit er a Jehovah me lebesterir a rudam me a rudos er kid a blekeu. (Isa 41:10-13) Ngdirrek el sebeched el meluluuch el kirir tirke el olab a dereder me lak bo lomtok er tia el urered “me bo le sebeched el chelellakl el kiei el ngar a budech.”—1Ti 2:1, 2.
A Paulus me a Petrus er a lemodechelakl, e a Rekristiano a milluluuch el kirir. (Rel 12:5; Rom 15:30, 31) Me a lsekum e ngdiak dodengei a ngklir tirke el rokui el modechelakl er chelecha el taem, e ngsebeched el meluluuch el kirel a ongdibel er tir me a lechub a belurir.