A Betik a Rengul Lulemeob a Omekerreu er Kid

1. A ULEMEOB ER KID A MERUUL ER A SILS ME NGDMIICH

Ka molebedebek er a klengar er a beluulechad a lak a dichel a sils. A sils omsa klisiich a kerrekar me ngmeruul a llel, bngal, rdechel, nuts, me a tane. Ngdirrek el remuul a kerrekar me ngmai a ralm er a chutem lokiu a risel el ongasech el mora llel e otobed el delekimes el ngar er a eolt.

A sers er a tea el ngar er bita er a rois.

2. A ULEMEOB ER KID A OLTENGEL ER A CHULL

A chull a mekreos el sengk er a Dios el rullii a chutem me ngomekdubech a kall el dongang. A Dios a meskid a chull er a eanged me a dellomel er sel ungil blsechel. Ngmeskid a keled el omekeek a rengud er a deurreng.

A charm el suebek el reborb er a kerrekar el mesab er a rodech.

3. A ULEMEOB ER KID A MESKID A KELED ME A BILED

Te betok el chedam a suebek a rengrir el kirel a kall me a bail lousbech a telungalek er tir. Engdi ka momtab a lolekoi a Bades: “Ka momes a suebek el charm, ng diak lolalem a dellomel, el ka longudel a kall el mo melecha er a blil; me ng ua isei e a Demmiu el ngar er a eanged omekerreu er tir! Kemiu ng diak mkuk ngarbab er a suebek el charm?”—Mateus 6:25, 26.

“Ka momes a bung a le dubech . . . mak subedemiu el kmo a King Salomon a kmal mle merau e ngdi dimlak le klebokel el ua ikal bung. A Dios omail a chudel, . . . a le ua isei e ng diak bai le blak a rengul el omail er kemiu?”—Mateus 6:28-30.

A Dios a sebechel meskid a keled me a biled, me ngulterekokl el mo ngosukid er aike el meklou a ultutelel el tekoi el dousbech er a klengar er kid. Me a dolasem el meruul a soal a Dios, e ngmo omekngeltengat er kid sel domekeroul a keled me a lechub e ngosukid el metik a urered me bo el sebeched el mechar aike el dousbech.—Mateus 6:32, 33.

Me ngar ngii a ungil uchul e ngbetik a rengud er a Dios sel dolebedebek er a sils, chull, suebek el charm, me a bung. Chelechang e kede kuk mo mesaod a rolel e Ngike el Ulemeob a mlengedecheduch er a rechad.