MKIEI EL UA KLENGAR ER A REKRISTIANO

Lmuut el Mo Ungil a Duch er Kid el Ngar er a Omesiunged—Mo Ungil el Ousbech a Ker

A UCHUL ME NGKLOU A ULTUTELEL: A lsekum a “uldesuel a chad a ua ralm el ngar a chelsel a tal dmolech el chido,” e a ker el doker a ua baket el sebechel chuisb a ralm el otobed. (Osi 20:5) A ker a sebechel rulleterir a rechad el mo ouchais a uldesuir. Me a nger er a ungil ker a blechoel el mo uchul a ungil tekoi. A Jesus a kmal mle ungil loker a ker. Me ngmekera e mo sebeched el oukerebai er ngii?

ROLEL A MORUUL ER NGII:

Oker a ker el mo medengelii a uldesuel a chad. A Jesus a uleker a betok el ker me bo lsebechel mo medengei a uldesuir a redisaiplo er ngii. (Mt 16:13-16; be-E 238 par. 3-5) Ngera el ker a sebechem el oker el mo medengelii a uldesuel a chad?
Oker a ker el mekrolii a uldesuel a chad. A Jesus er sera losmechokl er a uldesuel a Petrus, e nguleker er ngii a ker e ullecholt a nger er ngii me ngdi mle ngii el Petrus el melilt er a melemalt el nger er ngii. (Mt 17:24-26) Me ngera el ker a sebechem loker el ngosuir a chad el mo medengelii a melemalt el nger er a tekoi?
Mchat er a chad el orrenges er kau. A Jesus er a uriul er a lorrenges er ngike el sensei er a llach el “mle ungil a nger er ngii” e ngchilat er ngii. (Mk 12:34) Ke mekerang e mo sebechem el chotengii a chad el onger er a ker?

MOMES ER A KOT EL TEDEBECHEL A VIDEO EL DO THE WORK THAT JESUS DID—TEACH, E MONGER AIKA EL KER:

Ngera uchul me tiang a kmal diak lungil rolel a osisechakl, alta e ngmle melemalt a tekoi el mle soadel?
Ngera uchul me ngkmal kired el meruul a lmuut el betok el diak di sel dosaod a tekoi?

MOMES ER A ONGERU EL TEDEBECHEL A VIDEO EL DO THE WORK THAT JESUS DID—TEACH, E MONGER AIKA EL KER:

Ngmilekera ngika el odam e ungil ousbech a ker?
Ngera lmuut el bebil el rolel a osisechakl el lurruul el sebeched el oltirakl?