SUOBEL 01
Ngmekera Sebechel a Biblia el Rullii a Klengar er Kau el Lmuut el Mo Ungil?
Kid el rokui el di ngar ngii a kerid el kirel a klengar, ringel, kodall, me a ngar medad el taem. Kede dirrek el bekikl a tekoi er a bek el sils, el ua siungel a telungalek er kid me a rolel e ngmo er ngii a deurreng er ngii. A rebetok a mla metik el kmo a Biblia diak di longer a kerrir, ngdirrek el mesterir a ulekrael el kirel a klengar er a bek el sils. Omomdasu e ngar ngii a chad el modengelii el mo soal a ngeso er a Biblia?
1. Ngera bebil ker el longer a Biblia?
A Biblia onger aika el meklou a ultutelel el ker: Ngmilekera omuchel a klengar? Ngera belkul a klengar? Ngera uchul me a rechad a chuarm? Ngera duubech el mora chad sel lemad? A lsekum kede rokui el soad a budech, e ngera uchul me ngkmal betok a mekemad? Ngera mo duubech el mo er tia el beluulechad? A Biblia melisiich er kid el mo osiik a nger er aika el ker e a rebetok el miliol el chad a mla metik a nger er aika el kerrir.
2. Ngmekera Biblia e sebechel ngosukid el mo dmeu a rengud er a klengar er kid er a bek el sils?
A Biblia meskid a ungil ulekrael. El ua tiang, ngosisecheklid er a rolel e a telungalek a sebechel metik er a mera el deurreng. Ngmeskid a ulekrael el kirel sel bo de stress me a rolel e ngsebechel mo dmeu a rengud er a urered. Ke mo mesuub aike el lolisechakl a Biblia el kirel aika el tekoi me a lmuut el bebil sel bo dedak el mesaod er tia el babier. Seikid e ke locha mo kongei el kmo a “chedaol Llechukl el rokui a . . . ngngarngii a blkul.”—2 Timothy 3:16, BT.
Tia el babier a diak el btechir a Biblia. Ngbai melisiich er kau el di mo kau el merriter er a Biblia. Me aki mengelechel er kau el mo menguiu aike el bades el ngar er aika el suobel e omekesiu er a tekoi el mosuub.
BOM DMOLECH EL MERRITER
Molatk a rolel e a Biblia mla ngosuterir a rechad, rolel e ngmo dmeu a rengum el menguiu er ngii, me a uchul e ngungil omosiik a ngeso el mo medengelii.
3. A Biblia sebechel lomekrael er kid
A Biblia di ua mesisiich el llomes. Ngsebechel lomekrael er kid el mo meruul a ungil omelilt e mo medengei a tekoi el mo duubech er a ngar medad.
Monguiu er a Psalm 119:105 e mosaod aika el ker:
Ngike el milluches er tia el psalm ngmle uangera osengel el kirel a Biblia?
Ngua ngera osengem el kirel a Biblia?
4. A Biblia a sebechel longer a kerid
A ta el redil a mlo medengei a nger er aike el keril er a Biblia el kmal milengesang er ngii el betok el rak. Momes er a VIDEO e a uriul e monger aika el ker.
Ngera mle keril ngike el redil el ngar er a video?
Ngmilekera omesubel er a Biblia e ngosuir?
A Biblia melisiich er kid el mo oker a ker. Monguiu er a Mateus 7:7 e mosaod er tia el ker:
Ngar ngii a kerim el sebechel a Biblia el onger?
5. Ngsebechem el mo soam el menguiu er a Biblia
Rebetok el chad a kmal sorir el menguiu er a Biblia e mla ngmai a klungiolir er ngii. Momes er a VIDEO e a uriul e monger aika el ker.
Ngera uldesuir a rebetok el ngeasek er a video el kirel omenguiu?
E alta ngdiak el sorir omenguiu engdi ngera uchul me ngkmal sorir el menguiu er a Biblia?
A Biblia kmo ngsebechel meskid a ulekrael el ngii a mengelaod er kid e meskid omelatk. Monguiu er a Rom 15:4, BT e mosaod er tia el ker:
Ngsoam tia el telbiil er a Biblia el kmo, ngmo meskid ongelaod me a omelatk?
6. A rebebil a sebechir el ngosukid el mo medengelii a Biblia
A rebetok el menguiu er a Biblia mla metik el kmo sel losaod lobengterir a rebebil a tekoi el ngar er a Biblia e ngdirrek el kmal ngosuterir. Monguiu er a Rellir 8:26-31 e mosaod er tia el ker:
Ngmekera sebeched el mo ungil medengelii a Biblia?—Momes er a 30 me a 31 el kekerei el bades.
Ngike el chad er a Ethiopia uluusbech a ngeso el mo medengei a belkul a Bades. A rebetok el chad er chelecha el taem a metik el kmo ngkmal ngosuterir sel lengar ngii a chad el mesuub el obengterir
A REBEBIL A KMO: “A omesubel a Biblia a di waste a taem.”
Ke mo dmu el kmo ngerang? E ngera uchul?
SUMMARY
A Biblia meskid a ulekrael el kirel a klengar er a bek el sils, onger a meklou a ultutelel el ker, e meskid a ongelaod me a omelatk.
Review
Ngera el ulekrael a sebeched el metik er a Biblia?
Ngera bebil er a ker el longer a Biblia?
Ngera soam el suub er a Biblia?
A LSEBECHEM E MOMES
Molatk a rolel e a ulekrael er a Biblia ngosukid er chelecha el taem.
“Bible Teachings—Timeless Wisdom” (The Watchtower No. 1 2018)
Mesa rolel e a Biblia ngilsuir a chad el lekekerei el me klou e ngmle meringel er ngii el omtebechel aike el ngar er a rengul.
Morriter a ulekrael er a Biblia el kirel a klengar er a telungalek.
Oumesingd el chad a cheleuid a uldesuir el kirel ngike el mera el mengedereder er a beluulechad. Mesa nger er ngii er a Biblia.