A Bltikerreng a Olengchelir a Remera el Kristiano​—Doltngakl a Ngasecherreng me a Reng el Di Melatk er a Di Kid

A UCHUL ME NGKLOU A ULTUTELEL: A Jesus a ullisechakl el kmo a bltikerreng a mo olengchelir a redisaiplo er ngii. (Jn 13:34, 35) A lsoad lolecholt er a bltikerreng el ua Kristus, e ngkired el osiik a mo uchul a klungiolir a rebebil, e mengeroid er kid er a ngasecherreng.​—1Ko 13:5.

ROLEL A MORUUL ER NGII:

• A lsekum a chad a dulii me a lechub e ngrullii a tekoi el tomelii a rengum, e bo mchelellakl e morriter er sel uchul a mondai, me a telemellel sel tekoi el bo moruul er ngii.​—Osi 19:11

• Lak mobes, kid el rokui a diak demecherrungel, me ngar ngii a taem el dedung me a lechub e kede remuul a tekoi el bo douuchel a rengud er ngii er a uriul

• Di mereched el sumecheklii a mondai er a delongeliu

MOMES ER A VIDEO EL “HAVE LOVE AMONG YOURSELVES”​—REJECT SELFISHNESS AND PROVOCATION, E MONGER AIKA EL KER:

• Ngmilekera Larry e di mle mereched el mo kesib a rengul er a tekingel a Tom?

• Ngmilekera sel omerellel a Tom el mlo chelellakl e ngilsuir me ngdimlak lengasech a rengul?

• Ngmilekera ungil tekingel a Tom e cholleklii a ngasecherreng el mocha er ngii?