“Mchoit a Bek el Ngodech el Chelid”

Me alta Jehovah a dirkak el rellii a llach el kirel a ngodech el chelid, e ngdi a Jakob a mle medengei el kmo a Jehovah a bechecherirs el Dios. (Exo 20:3-5) Me a uriul er a ledu er ngii a Jehovah el kmo mluut el mo er a Bethel, e a Jakob a dilu er a re bek el ulebengkel me te mengoit a ngodech el chelid. E ngii a milart a rokui el bleob el luldimukl er a telau el mla er a dingerir el lekong mengkerengir. (Gen 35:1-4) Me a Jehovah a kmal mlo dmeu a rengul er tia el tekoi el le rirellii a Jakob.

Ngmekera de bsa Jehovah a cherrungel el blakerreng er kid er chelechang? Kede mengoit a tekoi el chelsechusem er a bleob el chelid me a tekoi er a olai. Tiang a uldimukl er a klekedall el chelsechusem er a ileakl el klisiich el diak el ngar er a Jehovah el mei, e mo kerekikl sel dolilt a tekoi er a ongelaod. El ua tiang, ka doker er kid el kmo: ‘Ngak ngsoak el menguiu a babier me a lechub e a kumes a mubi el kirel a vampire me a zombie me a lechub e ng tekoi el chelid? A ongelaod el kulilt, ngmelisiich a tekoi er a olai me spells me a lechub a omelengesakl el ua lak a telemellel?’ Ngkmal kired el mengeroid er kid er aike el tekoi el louketui a Jehovah.​—Psa 97:10.

MOMES ER A VIDEO EL “OPPOSE THE DEVIL,” E MONGER AIKA EL KER:

• 

  Ngera el mondai a dilubech er a klengar er a redil el mesuub a Biblia el ngklel a Palesa?

• 

  Ngera uchul me ngrolel a llomeserreng a dosiik a ngeso er a remechuodel el kirel a tekoi er a olai?

• 

  Ngera el klalo a kirir el mengoit a tirke el sorir a ngelseuil a Jehovah?

• Ngera el ulterekokl el omeruul a lurruul er ngii a Palesa?

• Ngera bebil er a rolel e koltngakl er a remekngit el anghel er a beluam?