Molilt a Rolel Ongelaod Lodeuir a Rengul a Jehovah

Jehovah a “dmeu a rengul el Dios.” (1 Timothy 1:11, NW) Ngsoal a bo ledeu a rengud e doldeu a rengud er a klengar. Ngdmeu a rengul sel deketmokl a taem el mo olengull er a ureor. Ngar tia el suobel e kede mo mesa rolel e ngsebeched lousbech aika el taem el ngar er a rolel e ngmo ungil a rengud e dirrek el osisiu el taem e kede odeuir a rengul a Jehovah.

1. Ngera kired el melatk sel dolilt a tekoi er ongelaod?

Ngera soam el meruul er ngii sel temem lolengull? A rebebil a sorir el mengoit a temir el di ngar er a blai e menguiu a book, orrenges a ongngak, omes a mubi, me a lechub e te ngar er a Internet. E a rebebil a sorir mengoit a taem lobengterir a resechelirir el hike, mengedub, me a lechub e te ousekool a games. Me alta ngkakerous a soad engdi ngkired loterekeklii el kmo a tekoi er ongelaod el dolilt a “odeuir a rengul a Rubak.” (Efesus 5:10) Ngkmal klou a ultutelel a bo dodengelii tiang e le betok er aike el tekoi er ongelaod el kmal sorir a rechad a olecholt a tekoi el Jehovah ouketui el ua omelemall er a rechad, tekoi er a deleboes, me a lechub e ngtekoi el chelsechusem er a remekngit el anghel. (Monguiu er a Psalm 11:5.) Ngera mo ngosukid el mo ungil melilt a tekoi er ongelaod?

A lsekum e kede melilt er a rechad el betik a rengrir er a Jehovah el mo sechelid, e ngngar ngii a ungil lerellii er a rolel ongelaod el dolilt. Ngua desilubii er a uleak uchei el suobel, tirke el ‘mesuub er a re mellomes a rengrir el chad [a mo] mellomes.’ Engdi tirke el blechoel lobengterir a rechad el diak el betik a rengrir er a llechul a Jehovah a “mo metemall.”​—Osisechakl 13:20.

2. Ngera uchul me ngklou a ultutelel el de control er a klungel a taem el dongoit er ngii el kirel a tekoi er ongelaod?

Mo lmuut me a lak a kngtil a tekoi er ongelaod el dengiltii, me ngkired el mo kerekikl er a klungel a taem el dongoit el meruul er ngii. Ngmo el mo diak a temed el meruul aike el lmuut el meklou a ultutelel. A Biblia melisiich er kid el ‘mo ungil ousbech a bek el techall.’​—Monguiu er a Efesus 5:15, 16.

BOM DMOLECH EL MERRITER

Msuubii a rolel e ngsebechem el mo ungil melilt a tekoi er ongelaod.

3. Mongeroid er kau er a mekngit el rolel ongelaod

Ngera uchul me ngkired el mo kerekikl sel dolilt a tekoi er ongelaod? Momes er a VIDEO e mosaod aika el ker.

VIDEO: What Entertainment Should I Choose? (4:39)

• Ngmekera ike el klekool er a Rom er a irechar e osisiu er a games er chelecha el taem?

• Ngera ngsilubii a Danny el kirel a tekoi er ongelaod?

Monguiu er a Rom 12:9 e mosaod er tia el ker:

• Tia el bades ngera ngkirel rullii er a omelilt er kau er a tekoi er ongelaod?

Ngera bebil er a tekoi louketui a Jehovah? Monguiu er a Osisechakl 6:16, 17 me a Galatia 5:19-21. Uriul er a monguiu a derta el bades, e mosaod er tia el ker:

• Ngera er aika el ngar er a bades omues er a tekoi er ongelaod er chelecha el taem?

Rolel e ke mo ungil melilt a tekoi er ongelaod

Di lekau el oker:

• Ngerang? Tia el tekoi er ongelaod ngngar ngii er ngii a tekoi louketui a Jehovah?

• Oingerang? Ngmo mengesang aike el lmuut el meklou a ultutelel el tekoi?

• Ngtechang? Nguchul me ak mo blechoel lobengterir a rechad el diak lebetik a rengrir er a Jehovah?

Ngbai lmuut el ungil a bo decheroid er a tekoi el sebechel mo uchul a tellemall. Sei a uchul me ngkired el mengeroid er kid er a ngii di el rolel ongelaod el domdasu el kmo ngdiak lungil kired

4. Bo mungil lousbech a temem

VIDEO: What Controls Your Time? (2:45)

• Alta odam er a video dimlak loruul a tekoi el mekngit, engdi ngera ngrirellii el mo er ngii?

Monguiu er a Filipi 1:10 e mosaod er tia el ker:

• Ngmekera tia el bades e ngosukid sel dolilt er a klungel a taem el doruul er a tekoi er ongelaod?

5. Molilt a tekoi er ongelaod lungil kirem

Alta bebil tekoi er ongelaod a diak lodeuir a rengul a Jehovah, engdi ngngar ngii a betok el sebeched el meruul. Monguiu er a Olisechakl 8:15 me a Filipi 4:8 e mosaod er tia el ker:

• Ngera el ungil rolel ongelaod a kmal soam?

SUMMARY

Jehovah a soal a dolilt a ungil tekoi er ongelaod e doldeu a rengud er ngii.

Review

• Ngera el tekoi er ongelaod a kirel a Kristiano el mengeroid er ngii er ngii?

• Ngera uchul me ngkired el mo kerekikl er a klungel a taem el dongoit el meruul a tekoi er ongelaod?

• Ngera uchul me ngsoam el melilt a tekoi er ongelaod lodeuir a rengul a Jehovah?

A LSEBECHEM E MOMES

Molatk el kmo ngtecha ngerechelel melilt a tekoi er ongelaod el kired.

“Do Jehovah’s Witnesses Ban Certain Movies, Books, or Songs?” (Suobel el ngar er a Internet)

Mesa rolel e ngsebechem el mo ungil melilt a rolel ongelaod me a omilil.

“A Rolel a Omilil Ngngar er Ngii a Lerellii el Kirem?” (A Ongkerongel, October 1, 2011)

Mesa el ngar er a cheldecheduch el “I Even Overcame My Prejudice,” a uchul me a ta el chad a ngilodech a tekoi er ongelaod el lurruul.

“The Bible Changes Lives” (The Watchtower, February 1, 2010)

Mesa rolel e a ta el chedil a ungil melilt el kirel a tekoi er ongelaod el chelsechusem er a remekngit el anghel.

Avoid Entertainment That Features Spiritism (2:02)