AUGUST 5-11

PSALM 70-72

Chelitakl 59 me a Nglunguuch | Omesodel a Miting (1 el bung)

MEKREOS EL TEKOI EL NGAR ER A BIBLIA

1. “[Mouchais] . . . a Bek el Cheroll el Merael el Mei” er a Klisichel a Dios

(10 el bung)

David ulemelechesiu er a ulekerreuil a Jehovah er a lengeasek (Psa 71:5; w99 12/1 25 par. 17)

David ulemelechesiu er a ngelsuil a Jehovah er a lechudelang (Psa 71:9; g04 10/8 23 par. 3)

David a millisiich er a remekekerei er a louchais er tir a experience er ngii (Psa 71:17, 18; w14 1/1 23 par. 4-5)

Sel telungalek el mlara “Omellach el Kirel a Temel a Omengull el Telungalek.” Te ullengit er a ta er a obekel el mei er a omengull el telungalek er tir e te orrenges a experience er tir e omes a siasing.

DI LEKAU EL OKER, ‘Ngtecha el meketeketang el ngar er a klemerang er a ongdibel a soak el mo interview er ngii er a Temel a Omengull el Telungalek?’

2. Morriter er a Tekingel a Dios

(10 el bung)

Psa 72:8—Ngmekera telbilel a Jehovah el mora Abraham el debetik er ngii er a Genesis 15:18 e tilaut er a temel omengederederel a Salomon? (it-1 768)

Nger er kau
Ngera el mekreos el tekoi er a omengiuel a Biblia er chelecha el sandei a soam el share er ngii?

Nger er kau

3. Omengiuel a Biblia

(4 el bung) Psa 71:1-24 (th 5 el suobel)

MOLTAUT ER NGII ER A OMESIUNGEM

4. Starting a Conversation

(3 el bung) OLDINGEL OBLIIL. A chad a mo soal loutoketok e mtukur a cheldecheduch el ngar er a positive el rolel. (lmd-E lesson 4 point 5)

5. Following Up

(4 el bung) OMERK ER A KLUMECH ALTA NGDIAK EL TEMED LOLDINGEL. Molemolem er a cheldechedecham er uchei lobengkel a ta er a chedam el omai er a rengul a kongei er omesubel a Biblia. (lmd-E lesson 8 point 4)

6. Explaining Your Beliefs

(5 el bung) Cheldecheduch. ijwfq-E 49—Dai: Why Have Jehovah’s Witnesses Changed Some of Their Beliefs? (th 17 el suobel)

MKIEI EL UA KLENGAR ER A REKRISTIANO

Chelitakl 76

**7. Ideas er a Omengull el Telungalek**

(15 el bung) Omesaod.

Tia el telungalek el dechor e dmak el mengitakl a chelitakl er a Renged.

Tia el telungalek el dmak el omes a prokuram er a JW Broadcasting.

A ta er tirke el ngalek el redil el onger er a delal er a loruul a practice session er a Temel a Omengull el telungalek er tir.

A Temel a Omengull el Telungalek a klou a ultutelel el taem el kirir a rengalek el mo mesuub a “omellach ma osisechakl er a Rubak.” (Efe 6:4) A omesuub a ousbech er a meringel el ureor, me nguaisei engdi ngsebechir a rengalek el mo ungil a rengrir el meruul er ngii, tokubets er chelecha el lomekeroul er a urungulir el mesuub a klemerang er a Biblia. (Jn 6:27; 1Pe 2:2) A baks el “Ideas el Kirel a Temel a Omengull el Telungalek” a ngosuterir a ruungalek el mo rullii a Temel a Omengull el Telungalek er tir el mo taem er a osisechakl me a deurreng. Momes er ngii e mosaod aika el ker:

Ngera el ngeso er a uldasu a soam el melasem el mo meruul er ngii?

Nger er kau
Ngar ngii a dirrek el ta er a tekoi el bla betik er ngii el kmo ngoureor?

Nger er kau

IDEAS EL KIREL A TEMEL A OMENGULL EL TELUNGALEK

BIBLIA:

Morrenges er a audio recording er aike el bades er a Biblia el donguiu er a every week, me a lechub em take turn el menguiu el klou a ngeriu. A rederta el chedal a telungalek a sebechel menguiu a tekingel a rederta el chad er a Biblia
Mketmokl a ker el mengai er aike el bades er a Biblia el donguiu er a every week. E a rederta el chedal a telungalek a ngiltii a ta er ngii el ker e meruul a research el kirel. E mosaod aike el omsiluub
Bekedbechii a ker, mondai, me a lechub e ngomelsemai em research a omellach er a Biblia el ngar er a Scriptures for Christian Living el chatter er ngii
Act out er a tekoi el dilubech er a Biblia
Bek el week e mrellii a flash card el ngar ngii a bades er a Biblia el uaike el ngar er a appendix A er a brochure el Love People—Make Disciples, e molasem el memorize er ngii el bades. Em review aike el flash card er aike el uleak uchei el week
Mosuub er a ta er a suobel me a lechub e ngbebil er a point el ngar er a Mkiei el Mo Cherechar! el babier
Assign er a rederta el chedal a telungalek me le give a report er a ta er a suobel el ngar cheungel a series el “Bible Questions Answered” me a lechub e ng “Bible Verses Explained,” el debetik er ngii er cheungel a BIBLE TEACHINGS er a jw.org

MITING:

Prepare a telkib er aike el bo dosuub er a miting
Prepare em practice a nger er kemiu. E molatk er a klemengetel
Practice a chelitakl
Mosaod em practice a bo molekoi el melisiich er a chad er a uchei me a lechub e nguriul er a miting
Practice er a part er a miting er medal a telungalek

BERKEL A KLUMECH:

Prepare el kirel odingel obliil
Prepare el kirel a return visit
Imagine er a taem el diak el temiu el lomerk er a klumech, em practice er a rolel e ke mechelii a cheldecheduch lobengkel a chad
Mosaod a ileakl el turrekong el mo menglou er a temiu lomerk er a klumech er a blsechel a Chedaol Belsoil me a lechub ngtemiu el off er a ureor me a skuul

AIKE EL LOUSBECH A TELUNGALEK:

Practice aike el bo molekoi el kirel a blekeradel el dirk dilubech me a lechub e ko medengei el kmo ngmo duubech el ua tekoi er a diak domekbitang, bullying, dating, me a lechub e ng celebrate a holidays
Practice aike el bo molekoi, el rengalek a pretend el chedam me a chedil e a ruungalek a pretend el rengalek. A rengalek a research el kirel a ileakl el tekoi e melasem el mesaod er ngii lobengkel a chedam me a chedil

LMUUT EL BEBIL ER A NGESO ER A ULDASU:

Momes e mosaod er a ta er a prokuram er a JW Broadcasting^®
Monguiu er a ta er a suobel me a lechub e momes er a ta er a video er a jw.org, e mosaod er ngii
Mosaod er a ta er a tekoi el ngar cheungel a “Teens & Young Adults” me a lechub e ng “Children” el ngar er a cheungel a BIBLE TEACHINGS er a jw.org
Review notes er a convention me a lechub e ng assembly
Momtab me a lechub em research el kirel a ta er a blebelel a Jehovah e mosaod aike el losisecheklid el kirel
Kuk mong e invite er a chad el me teloi er kemiu em interview er ngii
Mruul a turrekong er a klereng e mosaod a rolel e ke mo oltaut
Mdak el loureor er a ta er a project el ua model, map, me a lechub e ng chart

Momes er a VIDEO, Keep Improving Your Family Worship. E moker er tia el ker:

A lsekum e ngdiak a rengalek, e ngmekera sebechel a bechiil el sechal el rullii a Temel a Omengull el Telungalek el mo taem er a deurreng el kirel a bechil?

Nger er kau

8. Omesubel a Biblia el Ongdibel

(30 el bung) bt 13 el bliongel par. 17-24