Chelitakl 25 (53)

Ngobdois er a Omengederederel a Dios

(Isaia 9:6, 7)

1. Moldanges ra Omerederel a Dios!

Chelecha’l taem ngmera’l menglou a ureor.

Oldanges ra Jehovah a deblechoel mengitakl

Er tirke’l merael ra llomes el ngara medal.

Ngara mong te di mle mekesai a kongei

A ngariou a rengul Losobeled.

Me chelechang a klou’l seked mar ngellitel

‘Lodengesii el ngara klisichel a Dios.

2. Kristus a ngara kingall e mengeder’der;

Ma renged mar chad a mora medal.

Loba omengederederel a Dios,

Engmo okngemedeterir a recherreuel.

A Mengasireng el Kansol e Chedam,

Eng Mesisiich el Dios e Prince ra Budech.

Blakerreng ra Jah a mo nguu a budech

E rullii a kleking er ngii el mo klou.

3. Ngua ngera’l techall a dobang el mo ngar!

Ngdiak dmeu a rengum ra obdisel a ureor?

Me de ngara deurreng lomdois sel dorous,

E mo teloi ra ureor ra klsioning.

Bekeu ‘lomeklatk ra rultuub a ngklel a Dios;

Mouchais er tir Armageddon a kmedang.

E melemolem lomerk ra ungil chais

Ra Renged el mo rar mekngit a rengrir.