Chelitakl 81 (181)

Dongitakl a Chelitakl er a Renged!

(Psalm 98:1)

1. Ngar ngii a chelitakl ra deurreng ra kats;

Dodengesii Ngike’l kot el ngar bab.

Aike el tekoi a meskid a omelatk.

Me dongitakl ra dai ra Renged el kmo:

‘Jehovah a king; Bo ldeu a rengud.

Mar ngara eanged, bo lklou a ngeriu.’

Tia beches; el kirel a kleking ra Jesus

Ngoleker rar chad mei mongull er ngii.

2. Me dolecholt ra Renged loba chelitakl.

Jesus a king; ngmerredel ra chutem.

Ngua lulemlaoch, engar ngii a beches el renged

Bo longed’reder er ngii a ngel’kel a Jah.

‘Bom terrob, a rokui’l chad.

A Jesus a King. Ka mochotii!

Mosuub er tia’l cheliteklel a Renged;

Mongull ra Dios, me bo mnguu a klengar.’

3. Ar mekedung a mesuub er tia’l chelitakl.

Ngkmal bleketakl, ma chisel a mek’ald.

Ngara chutem e te betok a mla suubii,

Te dirrek el mengemedaol el kmo:

‘Mei me dosiou ra Jah el Dios,

Ng molekiis rar ulekoad.’

Bo dedak el mengitakl loldanges.

Ngdmeu a rengul er a chelitekled.