2 el Suobel

A Dios A Ngike El Kot El Ungil El Sebechem El Mo Sechelil

Obo msechelil a Dios a kot el ungil el tekoi el sebechel el mo duubech el leko er kau. A Dios a mo osisecheklau el mo dmeu a rengum e mo mukerreu; e ngmo kikidau er aike el klsuul el osisechakl ma kdekudel el omeruul. Ngmo orrenges er a nglunguchem. Ngmo ngosukau el mo oldeu er a rengum er a budech ma ulterekokl el reng. (Psalm 71:5; 73:28) A Dios a mo ngosukau er a blsechel a ringel. (Psalm 18:18) E a Dios a soal el meskau a sengk er ngii el diak a ullebengelel el klengar.—Rom 6:23.

Sel obo mkeed er a Dios, e ke dirrek el mo kmeed er a resechelil a Dios. Te dirrek el mo sechelim. Te mo ua rudam ma rudos er kau. Ngmo dmeu a rengrir el olisechakl er kau el kirel a Dios e mo ngosukau e melisiich er kau.

Kid a diak dosisiu er a Dios. Sel omosiik er a klausechelei er Dios, e ngkirem el mo medengelii tia el klou a ultutelel el tekoi. A klausechelei er a Dios a diak el klausechelei er a delongelir a rusisiu el chad. Ngbai kmal lmuut el chuodel e mellomes a rengul e lmuut el mesisiich er kid. Ngmera el Merredeled. Ma lsekum ngsoad el mo sechelil, e ngkired el orrenges er ngii e meruul aike el soal a bo doruul. Tiang a blechoel el mo uchul a klungioled.—Isaia 48:18.