Ngmekerang e Sebechel el Mo er Ngii a Deurreng er a Telungalek er Kau?

A bltikerreng a tekoi el ngii a mo uchul a deurreng er a chelsel a telungalek. Efesus 5:33

A llechul a Dios el kirel a chebechiil a kmo ngkirel a sechal el di tang a bechil el redil.

A betik a rengul el bechiil el sechal a ungil a omerellel el mo er a bechil el redil e dirrek el kirel el mo oba klemedengei el bedul ngii.

A bechiil el redil a kmal kirel el mo olengeseu er a bechil.

A rengalek a kmal kirir el mo olengesenges er a ruungalek er tir.

Bo bekokeuii e leblak a rengmiu, e lak lemekngit a omerelliu e lak momulak. Kolose 3:5, 8-10

A Tekingel a Dios a melekoi el kmo a bechiil el sechal a kmal kirel el mo betik a rengul er a bechil el redil el ua lebetik a rengul er a bedengel, e a bechiil el redil a kmal kirel el mo mengull er a bechil.

A omerellel a durs er a chebechiil el obengkel a chad el diak el bechil a kmal mekngit. Me a chad el betok a rebechil a mekngit er a osengel a Dios.

A Tekingel a Jehovah a osisecheklterir a rechedal a telungalek er a rolel e ngsebechir el mo dmeu a rengrir er a klengar.