Ngera Kired el Meruul Me Bo el Sebeched el Odeuir a Rengul a Dios?

Mongeroid er kau er a mekngit. 1 Korinth 6:9, 10

A lsekum e ngbetik a rengud er a Jehovah, e ngkmal diak el kired el meruul a tekoi el ngii a ouketui.

A Jehovah a kmal chetil a dorechorech, e dongetelaol, me a lechub e dolai a mekngit el kar.

A Dios a ouketui a koadelchad me a omelecheb er a rengalek me a mengolchotaor. Ngdirrek el chetil a bo lemerechorech a rengud me a lechub e kede okoad er a rebebil.

Ngkmal diak el kired el mengull a bleob me a lechub e doruul a ngii di el tekoi er a olai.

Ngar er a chelsel a merekung el Paradis el beluulechad, e ngmo diak a basio el kirir a rechad el meruul a mekngit.

Bo doruul a ungil. Matteus 7:12

A lsoad el oldeu er a rengul a Dios, e ngkmal kired el melasem el meruul a tekoi el uai Ngii.

Dolecholt er a bltikerreng el mo er a rebebil el oeak sel doruul a ungil e debekururau el merous el diak dongreos.

Doruul a llemalt e dolekoi a klemerang.

Bo dechubechubechad e demereched el ousubes.

Douchais er a rebebil el kirel a Jehovah me a blekerdelel.​—Isaia 43:10.