14 el Suobel

A Resechelil A Dios A Mengeroid Er Tir Er A Mekngit

A Satan a mengesuseu er a rechad el mo meruul a mekngit. Ngike el soal el mo sechelil a Dios a kirel el mo ouketui aike el louketui a Jehovah. (Psalm 97:10) Aikakid a bebil er a tekoi el kirir a resechelil a Dios el mengeroid er tir er ngii:

Klengit el Laokreng. “Lak bo le melaok a rengum.” (Exodus 20:14) A durs er a chebechiil er a uchei er a bo lebechiil a dirrek el mekngit.—1 Korinth 6:18.

Cheltelaol er a Rrom. “A recheltelaol ra rrom, . . . a diak bo loudiukes ra rengedel a Dios.”—1 Korinth 6:10.

Omekoad, ma Omelecheb er a Ngalek. “Lak bo momekoad.”​—⁠Exodus 20:13.

Omerechorech. “Lak bo morechorech.”—Exodus 20:15.

Blulak. A Jehovah a ouketui a “bulak el chur.”—Osisechakl 6:17.

Kdekudel el Omeruul ma Diak Lultebechel el Ngasechereng. “A ngii di el chad el soal a kdekudel el omeruul a louketui er ngii a [Jehovah].” (Psalm 11:5, NW) “Ngdi bleketakl a urerel a tech: . . . a ngasechereng.”—Galatia 5:19, 20.

Bakutsi. “A le ngarngii . . . e le . . . ngibes . . .e ngdiak mobengkel.”—1 Korinth 5:11.

Klauketui er a Delongelir a Rekakerous el Bedengir ma Bliongel er a Rechad. “Bo le betik a rengmiu rar cherrouiu e moluluuch el kirir ar uldechelakl er kemiu.”—Matteus 5:43, 44.

Aike el tekoi el ouchais er kid a Dios a mo ungil el kired. Ngdiak leblechoel el beot el dongeroid er kid er aike el mekngit el omeruul. Engdi ngoeak a ngelsuil a Jehovah ma Resioning er ngii, e ngmo sebechem el mengeroid er kau me lak moruul aike el melemall er a rengul a Dios.—Isaia 48:17; Filipi 4:13; Hebru 10:24, 25.