26 EL SUOBEL
Ngera Uchul Me Ngngar Ngii a Klengit me a Ringel?
Sel leduubech a mekngit e ng normal a doker el kmo: “Ngera uchul?” Ngkmal dmeu a rengud le Biblia onger er tia el ker!
1. Ngmilekera Satan e osisebii a klengit er a beluulechad?
Satan el Diabelong a mlo omtok er a Dios. Ngmlo soal el mengedereder me ngchiltikikii a kot lobekel el Adam me a Eva el mo teloi er a ultekengel. Satan a rirellii tiang er a lomulak er a Eva. (Genesis 3:1-5) Ngrirellii Eva el mo omdasu el kmo a Jehovah ngar ngii a ungil lorreked er ngii. A mle belkul a tekingel a kmo, a rechad a mo dmeu a rengrir sel lak lolengesenges er a Dios. Ngdillii a kot el blulak er a ledu er a Eva el kmo ngkmal diak bo lemad. Sei a uchul me a Biblia omekedong er a Satan el “bulak e demal a bek el blulak.”—Johanes 8:44.
2. Ngera te millilt el mo meruul er ngii a Adam me a Eva?
Jehovah kmal mle bekururau el mora Adam me a Eva. Ngdilu er tir el kmo ngsebechir el mengang a rdechel a bek el kerrekar er a sers er a Eden e di mle chimong a diak el kirir el menga er ngii. (Genesis 2:15-17) Engdi te mlo kolii a rdechel ngii el kerrekar. Eva “ngiluu a redechel el menga er ngii.” A uriul e a Adam “me ng dirrek el milenga er ngii.” (Genesis 3:6) Te mlo diak lolengesenges er a Dios. Tir el mle cherrungel a uchul me ngmle blekerdelir el meruul a llemalt. Engdi te mle durengrir el mo diak lolengesenges er a Dios e mlora klengit, e ultngeklii omengederederel. Tia el omelilt er tir a mlo uchul a klou el ringel el mo er tir.—Genesis 3:16-19.
3. A omelilt er a Adam me a Eva, ngera ngmla rullii el mei er kid?
A Adam me a Eva er a bo lak lolengesenges e te mlo diak el mecherrungel e uliuelii el mora rokui el chad. A Biblia melekoi el kirel a Adam el kmo: “A klengit a siliseb er a beluulchad el okiu a tal chad, ma kodall a ulekiu a klengit el mei, ma kodall a ulemerk el mor a re chad el rokui.”—Rom 5:12.
Ngbetok a uchul me kede mo chuarm er a ringel. A lebebil e kede mo chuarm el mekngit el omelilt er kid a uchul. A kuk lebebil e ngmekngit el omelilt er a rechad a uchul. E a lebebil e kede ngar er a mekngit el basio er a mekngit el taem.—Monguiu er a Jakobus 4:13, 14.
BOM DMOLECH EL MERRITER
Molatk a uchul me a Dios a diak luchul a klengit me a ringel er a beluulechad, me a uldesuel el kirel sel bo dechuarm er a ringel.
4. Ngike el luchul a ringel el dechelebangel
A rebetok el chad omdasu el kmo a Dios a mengedereder er a beluulechad. Ngmera el uaisei? Momes er a VIDEO.
Monguiu er a Jakobus 1:13 me a 1 Johanes 5:19 e mosaod er tia el ker:
A Dios, nguchul a ringel me a klengit?
5. Molatk aike el mla duubech le ngomengederederel a Satan a uchul
Monguiu er a Genesis 3:1-6 e mosaod aika el ker:
Ngera el blulak a ledillii a Satan?—Momes er a 4 me a 5 el kekerei el bades.
Ngmilekera Satan e ua lolekoi el kmo a Dios a ngar ngii a ungil lorreked er ngii er a rechad?
A doltirakl a tekingel a Satan, e a rechad te ousbech er a omengederederel a Jehovah el mo dmeu a rengrir?
Monguiu er a Olisechakl 8:9 e mosaod er tia el ker:
Ngera mla duubech er a chelsel tia el taem el Jehovah diak longedereder er a beluulechad?
Adam me a Eva a mle cherrungel e kiliei er a Baradis. Engdi te mlo orrenges er a Satan e mlo omtok er a Jehovah
Uriul er tia el ultok e a beluulechad a mlo mui er a klengit, ringel, me a kodall
Jehovah a mo okngemedii a klengit, ringel, me a kodall. A rechad a lmuut el mo cherrungel e kiei er a Baradis
6. Jehovah omekerreu el kmo ke chuarm a ringel
A Dios ngomekerreu sel bo dechuarm a ringel? Molatk a tekingel a King David me a apostol Petrus. Monguiu er a Psalm 31:7 me a 1 Petrus 5:7 e mosaod er tia el ker:
Ngmo uangerang a uldesuem sel modengei el kmo a Jehovah mes a ringel el omchelebangel e omekerreu a tekoi el duubech el mo er kau?
7. A Dios a mo okngemed a rokui el ringelir a rechad
Monguiu er a Isaia 65:17 me a Ocholt 21:3, 4 e mosaod er tia el ker:
Ngera uchul me ngkmal mengelaod er kid sel dodengei el kmo a Jehovah mo omult aike el rokui el mekngit el mla duubech el mora rechad?
Ke medengei el kmo ngerang?
A Satan er a ledelii sel kot el blulak e ngultubii a Jehovah. Tia belkul a kmo ngtilemellii a chisel a Jehovah el melemalt e ungil mengedereder. A Jehovah sel bo lomult a ringelir a rechad er a ngar medad e ngmo sobecheklii a chisel. Ngmo ochotii el kmo a omengederederel a kot lungil. A osebecheklel a ngklel a Jehovah ta er a kot el klou a ultutelel el tekoi.—Mateus 6:9, 10.
A REBEBIL A KMO: “A ringel a part er a moktek er a Dios el kired.”
Ngmekera obo monger er ngii?
SUMMARY
Satan el Diabelong me a kot lobekel a uchul me ngngar ngii a klengit er a beluulechad. A Jehovah omekerreu sel bo dechuarm er a ringel, e di kmedung e ngmo omult a rokui el ringel.
Review
Ngera el blulak a ledillii a Satan el Diabelong el mora Eva?
A Adam me a Eva el mlo diak lolengesenges, ngera ngmla rullii el mei er kid el rokui?
Kede mekera medengei el kmo a Jehovah omekerreu a ringel el duubech el mei er kid?
A LSEBECHEM E MOMES
Bo modengelii a belkul a klengit el ngar er a Biblia.
Monguiu a lmuut el betok el kirel a ultok el Satan a milekdebechii er a sers er a Eden.
“Why Does God Allow Suffering?” (The Watchtower, January 1, 2014)
Morriter a nger er a meringel el ker, el ngii a kmal mengelaod er kid.
“Why Did the Holocaust Happen? Why Didn’t God Stop It?” (Suobel el ngar er a Internet)
Momes aike el lesiluub a ta el chad el kirel a ringel lulemes el iliuekl er ngii.