34 EL SUOBEL
Ngmekera Dochotii er a Jehovah el Kmo Ngbetik a Rengud er Ngii?
Sera omomuchel el mesuub er a Biblia el mei, e ke omelechesiu er kau el lmuut el mla mo kmeed er a Dios? Ngsoam el melemolem el melisiich er a deleuill er kau me ngii? A leuaisei, e lak mobes el kmo sel lomes er a bltkil a rengum el mo er ngii el lmuut el mla mukeroul, nglmuut el mo mesisiich a bltkil a rengul mo er kau e omekerreu er kau. Ngmekera mochotii el mo er ngii el kmo ngbetik a rengum er ngii?
1. Ngmekera dochotii er a Jehovah el kmo ngbetik a rengud er ngii?
Ke dochotii a bltkil a rengud el mora Jehovah sel dolengesenges er ngii. (Monguiu er a 1 Johanes 5:3.) Jehovah diak lorrimel er a rechad el mo olengesenges er ngii. E ngbai omsa derta er kid a techelled el melilt el mo olengesenges er ngii me a lechub e ngdiak. E ngerang? A Jehovah soal a ‘lengara reng er kid el olengesenges.’ (Rom 6:17, BT) Tia belkul a kmo ngdiak el soal a dolengesenges er ngii le ngkired el meruul el uaisei, e ngbai soal a dolengesenges er ngii le ngbetik a rengud er ngii. A 3 me a 4 el bliongel er tia el book a mileketmokl el mo ngosukau el ochotii a bltkil a rengum el mora Jehovah loeak sel moruul aike el odeuir a rengul e mongeroid er kau er aike el diak el soal.
2. Ngera uchul me ngsebechel mo meringel er kid olecholt er a bltkil a rengud el mora Jehovah?
“A ungil chad a chuarm er a betok el chelebuul.” (Psalm 34:19) Kid el rokui a di ngar ngii a chelitechetud. E dirrek el mo chobangel a ringel le ngringelel a udoud a uchul, chelebirukel, me a lmuut el bebil. Sel dechebangel a ringel e ngsebechel mo meringel er kid a meruul er a soal a Jehovah. E le beot el rael a sel lak dolengesenges er a Jehovah. Engdi sel bo moba blakerreng el meruul aike el ledu er kau a Jehovah, e kochotii er ngii el kmo ngbetik a rengum er ngii el ngaruchei er a ngii di el tekoi. Ke dirrek lochotii a blakerreng er kau el mo er ngii. Me ngii a moba blakerreng el mo er kau. “Ng kmal diak bo [lechitau].”—Hebru 13:5.
BOM DMOLECH EL MERRITER
Morriter er a uchul me a blekongesenges er kau a klou a ultutelel er a Jehovah, e msuub a rolel e ngsebechem el melemolem loba blakerreng el mo er ngii.
3. Mondai el kau a uldimukl er ngii
Ngar er a babier er a Job e a Satan a rirellii a ultelecheklel el kirel a Job me a rokui el chad el sorir el mesiou er a Jehovah. Monguiu er a Job 1:1, 6–2:10 e mosaod aika el ker:
A Satan ngdilu el kmo ngera uchul me a Job a mesiou er a Jehovah?—Momes er a Job 1:9-11.
Ngera ngdilu Satan el kirir a rokui el chad, luldimukl er kau?—Momes er a Job 2:4.
Monguiu er a Job 27:5b e mosaod er tia el ker:
Ngmilekera Job e ochotii el kmo ngmera el betik a rengul er a Jehovah?
Job ulechotii a bltkil a rengul mora Jehovah er a lolemolem loba blakerreng
Kede ochotii el kmo ngbetik a rengud er a Jehovah sel dolemolem loba blakerreng el mo er ngii
4. Mrellii a Jehovah el mo dmeu a rengul
Monguiu er a Osisechakl 27:11 e mosaod aika el ker:
Ngmo uangera uldesuel a Jehovah sel bo lemellomes a rengum e molengesenges er ngii? E ngera uchul me ke melekoi el uaisei?
5. Ngkmal sebechem loba blakerreng el mora Jehovah
A bltkil a rengud el mora Jehovah rullid el mo ouchais er a rechad el kirel. A blakerreng er kid el mo er ngii a uchul me kede melemolem el meruul el uaisei alta ngdiak lebeot. Momes er a VIDEO e a uriul e mosaod aika el ker.
Ngmo meringel er kau a lebebil louchais er a rechad el kirel a Jehovah?
Sel domes er a video, e ngera ngilsuir a Grayson el mo mesisiich er a dektel?
Ngmo beot er kid a mo oba blakerreng el mora Jehovah sel bo lsoad aike el soal e bo douketui aike el louketui. Monguiu er a Psalm 97:10 e mosaod aika el ker:
Ngoeak a omesubem, e ngera bebil er a tekoi el Jehovah a soal? E ngera bebil er a tekoi el louketui?
Ngmekera omsubii el mo soam aike el ungil e mo ouketui a mekngit?
6. Ngmo uchul a klungioled sel dolengesenges er a Jehovah
Sel dolengesenges er a Jehovah e ngmo uchul sel kot lungil el kired. Monguiu er a Isaia 48:17, 18 e mosaod aika el ker:
Omomdasu e ngsebeched loumerang el kmo a Jehovah medengelii sel kot lungil el kired? E ngera uchul me ke melekoi el uaisei?
Ngmekera omesubem er a Biblia me a dirrek el kirel a di ta el mera el Dios el Jehovah e mla mo uchul a klungiolem?
A REBEBIL A KMO: “A omerellek a diak el klou a ultutelel er a Dios.”
Ngera el bades a sebechem lousbech er ngii lochotii el kmo a omerelled a ngar ngii a lerellii er a Jehovah?
SUMMARY
Ngkmal sebechem lochotii a bltkil a rengum el mora Jehovah sel molengesenges er ngii e molemolem loba blakerreng el mo er ngii sel bo mchebangel omelsemai.
Review
Ngera ke silubii er a kerebil a Job?
Ngmekera omochotii a bltkil a rengum el mora Jehovah?
Ngera mo ngosukau el melemolem loba blakerreng el mora Jehovah?
A LSEBECHEM E MOMES
Mesa rolel e ngsebechem lochotii a blakerreng er kau el mora Jehovah me a ongdibel.
Mosuub a lmuut el betok el kirel a ultelecheklel a Satan el kirir a rechad.
“Job Keeps His Integrity” (The Bible—What Is Its Message? section 6)
Morriter er a rolel e a remekekerei a sebechir lochotii a bltikerreng er tir el mora Jehovah.
Ngmekera ngeasek el chelebangel orimel er a rekuk bebil er a ngeasek e sebechel melemolem loba blakerreng el mora Dios?