Ngera Mo Ngosukid el Mo Ungil Melilt

Kid el rokui el kired el di meruul omelilt. A betok er aika el omelilt a klou a bo lerellii er a klengar er kid me a deleuill er kid me a Jehovah. El ua tiang, ngkired el melilt el kmo kede mo kiei er ker, rolel e kede mesiou er kid, me a lechub e kede mo bechiil me a lechub e ngdiak. Sel doruul a ungil omelilt e ngmo er ngii a deurreng er a klengar er kid e mo odeuir a rengul a Jehovah.

1. Ngmekera sebechem lousbech er a Biblia el ngosukau el mo ungil meruul omelilt?

Uchei er omolilt, e moluluuch lolengit er a ngelsuil a Jehovah e morriter er a Biblia el mo medengelii a uldesuel a Jehovah el kirel. (Monguiu er a Osisechakl 2:3-6.) Ngar er a bebil blekeradel e a Jehovah di bleketakl louchais er a kired el meruul er ngii. A leuaisei, e a kot lungil omelilt el sebechem el meruul er ngii obo moltirakl er a llechul a Jehovah.

Engdi, ke mo mekerang a lsekum a Biblia diak lebleketakl louchais er a kirem el meruul er ngii? A Jehovah mo omekrael er kau er a “rael el [kirem] el okiu ngii.” (Isaia 48:17) Ngmekera loruul er tiang? Nglocha ngar ngii omellach er a Biblia el sebechel ngosukau. Omellach a klemerang er a Biblia el lochotii er kid a uldesuel a Dios. Kede blechoel el mo medengelii a uldesuel a Dios el kirel a tekoi sel donguiu a cheldecheduch er a Biblia. Sel bo dodengelii a uldesuel a Jehovah e ngmo sebeched el meruul omelilt el ngii odeuir a rengul.

2. Ngera el tekoi a kirem el melatk er a uchei er a omoruul er omelilt?

A Biblia kmo: “A mellomes a rengul a omes er a le bor ngii.” (Osisechakl 14:15) Tia belkul a kmo, a uchei er a dolilt e ngkired el mengoit a taem el melatk aike el omelilt el ngar ngii el kired. Me sel morriter a derta er ngii e di lekau el oker: ‘Ngera el omellach er a Biblia a ngar ngii el kirel tiang? Ngera el omelilt a mo uchul a budech er a uldesuek? Omelilt er ngak, ngera ngmo rullii el mora rebebil? E a ngaruchei er ngii, ngmo odeuir a rengul a Jehovah?’​—Duteronomi 32:29.

Jehovah ngar ngii a llemeltel louchais er kid el kmo ngera ungil me a ngera mekngit. Sel bo dungil medengei a llechul me a omellach er ngii e derellii er a rengud el mo oltirakl, e kede train er a ukltked. A ukltked a sel reng er kid louchais er kid el kmo ngngera ungil me a ngera mekngit. (Rom 2:14, 15) A uklatk el mla mosisechakl a ngosukid el mo ungil melilt.

BOM DMOLECH EL MERRITER

3. Becherei a Biblia me lomekrael er kau

VIDEO: Let Bible Principles Guide You (5:54)

• Ngera el mekreos el sengk a lebilskid a Jehovah?

• Ngera uchul me a Jehovah milskid a ilmekled el melilt?

• Ngera ngmla meskid lolengeseu er kid el mo ousbech er a ilmekled el melilt el ngar er a kot lungil rolel?

A lsoam a ta er a olechotel a omellach er a Biblia, e monguiu er a Efesus 5:15, 16. E mosaod a rolel e ngsebechem el mo ‘ungil el ousbech a bek el techall’ el . . .

• menguiu er a Biblia er a bek el sils.

• mo ungil bechiil el sechal me a lechub e ngredil, chedam me a lechub e ngchedil, me a lechub e ngngalek.

• mora miting er a ongdibel.

4. Train er a ukltkem el mo ungil meruul omelilt

VIDEO: “Maintain a Good Conscience” (5:13)

• Sel domes er a video, e ngera ngmirruul a odos el train er a ukltkel e meruul er a omelilt el ngii odeuir a rengul a Jehovah?

Ngera uchul me ngdiak lungil a dolengit er a rebebil me lolilt el kired? Monguiu er a Hebru 5:14 e mosaod aika el ker:

• Alta nglocha mo beot sel dolengit er a rebebil me lolilt el kired, me nguaisei engdi ngera kired el di kid el meduch el merriter?

• Ngera mla meketmokl el sebechel ngosukau el train er a ukltkem el mo ungil meruul omelilt?

5. Mongull a ukltkir a rebebil

A rechad a mo kakerous omelilt er tir. Ngmekera dochotii omengull er kid el kirel a ukltkir a rebebil? Molatk aika el eru el blekeradel:

1 el blekeradel: Odos el kmal soal lousbech a makeup a melukl el mora ongdibel el betok er a rudos er ngii a bother er tir a usbechel a makeup.

Monguiu er a Rom 15:1 me a 1 Korinth 10:23, 24 e mosaod aika el ker:

• A doltirakl aika el bades, e a odos ngera nglocha melilt el mo meruul er ngii? Ke mo mekerang a lsekum ke obengkel a chad el ukltkel a bother er ngii el meruul er a tekoi el diak le bother er kau a meruul er ngii?

2 el blekeradel: Odam a medengei el kmo ngdiak el mekngit a dolim a rrom a lsekum e ngtabesul. Engdi ngmelilt el diak lolim. Te invite er ngii el mora blengur el ngar ngii a rudam el melim a rrom.

Monguiu er a Olisechakl 7:16 me a Rom 14:1, 10 e mosaod aika el ker:

• A doltirakl aika el bades, e a odam ngera nglocha melilt el mo meruul er ngii? Ke mo mekerang a lsekum ke mesa chad el meruul er a tekoi el bother er a ukltkem?

Ngera mo ngosukau el mo ungil melilt?

1. Molengit er a Jehovah me lengesukau el melilt er a ungil omoruul er ngii.​—Jakobus 1:5.

2. Moruul a research lousbech er a Biblia me aike el babilenged el mengai er a Biblia el mo medengei el kmo ngngera el omellach a melutk el kirem. Ngdirrek el sebechem el mengedecheduch er a Rekristiano el mla mukeroul er a klereng.

3. Molatk er a lerellii omelilt er kau el mora ukltkem me a ukltkir a rebebil.

SUMMARY

Kede mo ungil meruul omelilt sel bo dodengelii a uldesuel a Jehovah el kirel e dolatk el kmo, a omelilt er kid ngmo ngosuterir a rebebil me a lechub e ngmo melemall er tir.

Review

• Ngmekera sebechem el meruul a ungil omelilt el lodeuir a rengul a Jehovah?

• Ngmekera e sebechem el train er a ukltkem?

• Ngmekera omochotii omengull er kau el kirel a ukltkir a rebebil?

A LSEBECHEM E MOMES

Ngmekera sebechem el meruul omelilt el ngii a smisichii a deleuill er kau me a Dios?

“Molilt a Tekoi el Ngii a Kobkellii a Dios” (A Ongkerongel, April 1, 2011)

Monglou er a klemedengei er kau el kirel a rolel e a Jehovah omeskid a ulekrael.

Jehovah Guides His People (9:50)

Mesa el kmo ngngera ngilsuir a ta el chad el rullii a kmal meringel lomelilt.

Jehovah Guarantees All That Is Good (5:46)

Mosuub a lmuut el betok el kirel a rolel e ngsebechem lodeuir a rengul a Jehovah sel lak a bleketakl el ulekrael.

“Do You Always Need a Bible Command?” (The Watchtower, December 1, 2003)