56 EL SUOBEL
Lolemolem Ongdibel el Ngar er a Kltarreng
Sel dobengterir a rekldemed er a klaumerang e kede kmal melechesuar a lulemelechesiu er ngii a King David: “Ng meral ungil, e deurreng sel le dak el kiei a rudam el ta rengrir!” (Psalm 133:1) A kltarreng er kid a dimlak di le kiul el mo er ngii. Ngkirel a derta er kid el oureor el melisiich er ngii.
1. Ngera kmal ileakl er a rechedal a Dios?
A lsekum ke mora miting er a kuk ta er a beluu, e nglocha diak modengei a tekingir engdi ke melechesuar el kmo ke chedal ongdibel. E ngerang? E le kede mesuub er a Biblia lousbech osisiu el babier. E melasem el mora tkurrebab el sebeched el kaiuecholt a bltikerreng. Ngii di el basio el dekiei er ngii e kede rokui el “omekedong er a ngklel a Jehovah, el kaukledem el mengull er ngii el ngar er a kltarreng.”—Sefania 3:9, NW, footnote.
2. Ngera sebechem el meruul er ngii el melisiich er a kltarreng?
“Bo meral kaubltikerreng er a rengmiu el rokir.” (1 Petrus 1:22) Ngmekera omoltaut er tiang? Lak di molatk a kngterir a rechad e bai momes aike el ungil blekerdelir. E lak di mongoit a taem lobengterir tirke el sorir a osisiu el tekoi el soam, e bo molasem el mo medengelterir a rudam me a rudos er kau el ngodech er kau. Ngdirrek el sebeched el meringel loureor el mengoit a ngii di el rolel omengetukel el ngar er a rengud.—Monguiu er a 1 Petrus 2:17.a
3. Ke mo mekerang a lsekum e ngmo er ngii a klautok er a delongelem kau me a ta er a Kristiano?
Kede ngar er a kltarreng engdi kede dirrek el diak demecherrungel. A lebebil e kede mo tomellii a rengul a tang. Me a Tekingel a Dios a dmu er kid el kmo “bo mkausubes a mlo mekngit er a delongeliu” e dochelir el kmo: “Ng kiriu el mo kausubes, el ua ia Rubak el mla ousubes a telemelliu.” (Monguiu er a Kolose 3:13.) Kid a mla mo betok el taem el detemellii a rengul a Jehovah, engdi ngmla ousubes er kid. Me ngmengerechir er kid el mo ousubes er a rudam er kid. A lsekum ke mtebengii el kmo ke mla tomellii a rengul a chad, e bo mrellii a delongeliu.—Monguiu er a Mateus 5:23, 24.b
BOM DMOLECH EL MERRITER
Mosiik a rolel e ngsebechem el melisiich er a kltarreng me a budech er a chelsel a ongdibel.
Ngera ke mo meruul me mrellii a budech?
4. Bo mesisiich er a omengetukel
Ngsoad el mo betik a rengud er a rokui el odam er kid. Engdi nglocha mo meringel er kid el kongei er a chad el ngodech er kid. Ngera sebechel ngosukid? Monguiu er a Rellir 10:34, 35 e mosaod aika el ker:
Jehovah kongei er a bek el bedengir a rechad el mo Sioning er ngii. Tiang ngera ngkirel rullii er a osengem el kirir a rechad el ngodech er kau?
Ngera el rolel a omengetukel a omesang er a basio el mngar er ngii el soam el mengeroid er kau er ngii?
Monguiu er a 2 Korinth 6:11-13 e mosaod er tia el ker:
Omomdasu e ngmekera sebechem el mo kmeed er a rudam me a rudos er kau el ngodech er kau?
5. Mousubes e mrellii a budech
Jehovah ousubes er kid alta ngkmal diak bo lousbech er a klausubes er kid. Monguiu er a Psalm 86:5 e mosaod aika el ker:
Ngua klungel a ngerang a klausubes er a Jehovah?
Ngera uchul me ke oba omereng el saul el kirel a klausubes er ngii?
Ngera el blekeradel a rullii el mo meringel er kid a budech lobengterir a rebebil?
Ngmekera sebeched loukerebai er a Jehovah e melemolem el ngar er a kltarreng lobengterir a rudam me a rudos er kid? Monguiu er a Osisechakl 19:11 e mosaod er tia el ker:
A lsekum e ngchecherd a rengum er a chad me a lechub e ngongesechii a rengum, e ngera sebechem el meruul er ngii el rullii a blekeradel el mo ungil?
A lebebil e kede tomall a rengrir a rechad. Sel leduubech tiang, e ngera ungil doruul er ngii? Momes er a VIDEO e mosaod er a ker.
Ngera ngmirruul er ngii a odos er a video el meruul er a budech?
6. Momes aike el ungil blekerdelir a rudam me a rudos er kau
Sel bo dekeed er a rudam me a rudos er kid e kede mo medengei aike el ungil blekerdelir me a chelitecheterir. Ngmekera sebeched el melemolem lomes aike el ungil blekerdelir? Momes er a VIDEO e a uriul e mosaod er a ker.
Ngera sebechel ngosukau el mo omes aike el ungil blekerdelir a rudam me a rudos er kau?
Jehovah omes aike el ungil blekerdeled. Monguiu er a 2 Kronika 16:9a e mosaod er tia el ker:
Ngera ngrullii el mo er kau sel modengei el kmo a Jehovah omes aike el ungil blekerdelem?
Mo lmuut er a klebokel el diamond me ngngar ngii a kngtil, engdi ngkmal dirk mekreos. Ngdi osisiu, rokui el odam me a odos er kid a diak lemecherrungel, engdi te kmal mekreos er osengel a Jehovah
A REBEBIL A KMO: “Uchei er a kuusubes er a chad e ngkirel mo rredemelel a nguu a klausubes er ngak.”
Ngera uchul me ngsoad el mo kltmokl lousubes er a rebebil?
SUMMARY
Ngsebechem el melisiich er a kltarreng er a ongdibel loeak sel mousubes e molecholt er a bltikerreng el mora rokui el odam me a odos er kau.
Review
Ngmekera sebechem el mo mesisiich er a omengetukel?
Ngera ke mo meruul er ngii a lsekum e ngmo er ngii a klautok er a delongelem kau me a ta er a Kristiano?
Ngera uchul me ngsoam el mo oukerebai er a Jehovah lousubes er a rechad?
A LSEBECHEM E MOMES
Mesa rolel e a ta er a okesiu er a Jesus a sebechel ngosukid el mo diak doukerrekeriil er a rebebil.
Ngkired lolengit a klausubes a lsekum e ngdimlak a mekngit el derellii?
“Apologizing—A Key to Making Peace” (The Watchtower, November 1, 2002)
Mesa rolel e a rebebil a mla suubii el mo diak longetukel er a rechad.
Morriter a rolel e ngsebechem el mesmechokl a klekakerous er a uldasu er a uchei er a letemellii a budech er a ongdibel.
“Moba Bltikerreng el Meruul a Budech” (A Ongkerongel, May 2016)
a A 6 el Endnote a mesaod er a rolel e a bltikerreng odbechii a Kristiano me ngdiak bo loliuul a bekoiuiuul el rakt el mora rebebil.
b A 7 el Endnote a mesaod er a rolel e ngsebeched el mesmechokl a mondai er a rolel a tekoi er a siobai me a tekoi er a llach.