A NGER ER AIKE EL KER ER A BIBLIA

Ngmera el sebeched el mo medengelii a klemerang el kirel a Dios?

A Dios a mla ouchais er a uldesuel el mo er a rechad. Ngoeak a chedaol reng er ngii, el ngii a oureor el klisichel, e ngullecholt a uldesuel el mo er tirke el milluches er a Biblia. (2 Petrus 1:20, 21) Me a lsekum kede menguiu er a Biblia e ngsebeched el mo medengelii a klemerang el kirel a Dios.​—Monguiu er a Johanes 17:17; 2 Timothy 3:16.

Ngar er a chelsel a Biblia e a Dios a ouchais er kid el kirel a blekerdelel, me sel uchul me ngulemeob er kid, me a moktek er ngii el kirel a klechad, me a tekoi el soal a doruul. (Rellir 17:24-27) Ngdirrek el kmal soal a bo dodengelii a klemerang el kirel.​—Monguiu er a 1 Timothy 2:3, 4.

Ngera uchul me a Dios a kmal soal tirke el sorir a klemerang?

A Jehovah a Dios er a klemerang, e mla odureklii a Ngelekel el Jesus el me ouchais er a klemerang el mo er a rechad. Tiaikid a uchul me tirke el semeriar er a klemerang a kmal sorir el orrenges er a Jesus. (Johanes 18:37) Me a Dios a soal a chouaitirka el chad a bo losiou er ngii.​—Monguiu er a Johanes 4:23, 24.

A Satan el Diabelong a mla omerk a betok el klsuul el osisechakl el kirel a Dios el uchul me a rebetok a diak bo lodengelii a Dios. (2 Korinth 4:3, 4) Me tirke el chetirir a klemerang a kmal sorir a chouaika el klsuul el tekoi. (Rom 1:25) Me nguaisei, engdi te betok el miliol el chad a mesuub er a Biblia e mocha medengelii a klemerang el kirel a Dios.​—Monguiu er a Rellir 17:11.

A lsoam a lmuut el omesodel, e momes er a 1 el bliongel er tia el babier, Ngerang Mera el Lolisechakl a Biblia?, el mirruul er a Resioning er a Jehovah

Ngdirrek el ngar er ngii er a www.jw.org/pau