PART 1

Kede Mekerang a Dolengesenges er a Dios?

A Dios a mengedecheduch er kid el okiu a Biblia. 2 Timoteus 3:16

Ngar er a kingellel er a eanged, e a Jehovah a millisiich er a rechad el mo meluches er a Biblia

A mera el Dios a ulemekrael er a rechad el mo meluches a uldesuel er a chelsel a ta el ileakl el babier. E tia el babier a Biblia. Ngar er a chelsel e ngngar er ngii a meklou a ultutelel el tekoi el soal a Dios a obo modengei.

A Dios a medengei aike el mo uchul a klungioled, e Ngii a Ngike el Uchul a llomeserreng. Me sel dolengesenges er ngii, e ngmo mellomes a rengud. —Osisechakl 1:5.

A rechad a menguiu er a Biblia el ngar er a omelekingir e le ngmla mo er ngii a Biblia el ngar er a betok el kakerous el omelekoi

A Dios a soal a rokui el chad er tia el beluulechad a bo longuiu er a Biblia. E tia el Biblia a mla moiuid el mo er a betok el kakerous el omelekoi.

A lsekum e ngsoam el mo olengesenges er a Dios, e ngkmal kirem el menguiu er a Biblia e mo medengei a belkul a tekoi el ngar er a chelsel.

Meliuekl er a beluulechad el rokir, e a rechad a mesuub el mo medengelii a Dios. Matteus 28:19

Ta er a Sioning er a Jehovah el menguiu a bades el mo er a chad, e mlo mesuub a Biblia el obengkel

A Resioning er a Jehovah a sebechir el ngosukau el mo medengei a belkul a tekoi el ngar er a chelsel a Biblia.

Meliuekl er a beluulechad el rokir, e te olisechakl er a klemerang el kirel a Dios.

A miting el ngar er a blil a ongdibel er a Resioning er a Jehovah

E tia el omesuub a diak el ocheraol. Ngdirrek el sebechem el mo mesuub el kirel a Dios er a Kingdom Hall er a Resioning er a Jehovah el ngar er a beluam.