Ngerang Mesaod A Biblia?

A klechelid, ngdi delbechelir a rechad?

A REBEBIL A OUMERANG el kmo a rechad a millibech a klechelid; e a rebebil a omdasu el kmo a Dios a ousbech a klechelid el olengeseu er a rechad el mo kmeed er ngii. Ngera uldesuem?

A LOLEKOI A BIBLIA

Ngar er ngii a klechelid el “lomasech er ngii a Dios el Chedam el kmo ng merang e bliochel.” (Jakobus 1:27) A bliochel e klemerang el klechelid a mla er a Dios el mei.

A LMUUT EL BEBIL EL TEKOI EL DESUUB ER A BIBLIA

• A doruul a soal a Dios, e a klechelid el de ngar er ngii a kirel ultuil er a klemerang el tekoi er a Biblia.​—Johanes 4:23, 24.

• A klechelid el ultuil er a di uldesuir a rechad a diak a ultutelel.​—Markus 7:7, 8.

Ngklou a ultutelel el bo dechedal a klechelid?

NGERANG A NGER ER KAU?

• Chochoi

• Ngdiak

• Ngkuk ta er a tekoi

A LOLEKOI A BIBLIA

“Bo de kaukerreu e de kaingeseu el olecholt er a bltikerreng e doruul a ungil. E lak dongoit a ongdibel er kid.” (Hebru 10:24, 25) A Dios a soal tirke el mengull er ngii a bo ledak el ua ta el cheldebechel.

A LMUUT EL BEBIL EL TEKOI EL DESUUB ER A BIBLIA

• Tirke el mengull er a Dios a kirel el mo tang a klaumerang er tir.​—1 Korinth 1:10.

• A rechedal a klechelid el nguu a kengei er a Dios, a toketekii a klodam er tir el meliuekl er a beluulechad.​—1 Petrus 2:17.